ଅମେସବୁ ତାରାଫୁଲ
ଅମେସବୁ ତାରାଫୁଲ
ଆମେ ସବୁ ତାରାଫୁଲ ଏଇ ନୀଳ ଗଗନେ
ଆମେ ସବୁ ଟିକି ପିଲା ଏଇ ଧରା ଅଙ୍ଗନେ |
ବଗିଚାର କଢ ଆମେ ଫୁଲ ହୋଇ ଫୁଟିବୁ
ବାସ ଆମ ମହକିବ ଆମେ ହଲି ହସିବୁ |
ଆମହାତେ ରଙ୍ଗ ତୁଳୀ କେତେ ଛବି ଆଙ୍କିବୁ
ନାନା ରଙ୍ଗେ ଦେହେ ତାର ଯତନରେ ମାଖିବୁ |
ଆଙ୍କିଦେବୁ ପକ୍ଷୀ କେତେ ଆକାଶରେ ଉଡିବେ
ପ୍ରଜାପତି ଉଡିଉଡି ଫୁଲମଧୁ ଶୋଷିବେ |
ନଦୀନାଳ, ପରବତ, ସୂରୁଜ ଯେ ଉଇଁବ
ଆମ ଗାଆଁ ତାଳବଣେ କିରଣ ତା ଛୁଇଁବ |
ଭରିଦେବୁ ଛବିରେ ଯେ ବଞ୍ଚିବାର କାମନା
ସ୍ବପ୍ନ ସବୁ ଭରିଦେବୁ ନଥିବ ଯେ ଲାଞ୍ଚ୍ଛନା |
ସବୁରି ଓଠରେ ଆମେ ହସୁଥିବୁ ସର୍ବଦା
କଥା କୁହା ଆମଛବି କଥା ତାର ଶୁଣିବା |
ଦେଖିଦେଲେ ଛବି ଆମ ଦୁଃଖ ଦୂର ହୋଇବ
ସନ୍ତାପିତ ମନ ତୁମ ସରସରେ ଭରିବ |
ଆଜି ଆମେ ଟିକିପିଲା କାଲି ବଡ଼ ହୋଇବୁ
ନିଜେ ହସି ବିଶ୍ୱେ ଆମେ ସାତରଙ୍ଗ ଭରିବୁ |
ରଖିବୁନି ଆମମନେ ହିଂସା ଦ୍ୱେଷ ସଂଶୟ
ପୁଲକତା ଛାଇଦେବୁ ମନେ ଭରି ନିର୍ଭୟ |