ଅଳିକ ଜୀବନ
ଅଳିକ ଜୀବନ
ଜୀବନଟା ଅଟେ ଏକ ରଙ୍ଗମଞ୍ଚ
ଆମେ କରୁ ଅଭିନୟ
କପାଳରେ ଯାହା ଲେଖା ହୋଇ ଅଛି
ତାହାହିଁ ହେବାଟି ଥୟ।
ମିଛ ଅହଂକାର ମିଛ ଘରଦ୍ବାର
ମିଛ ଏ ସଂସାର ମାୟା
ଅଢେ଼ଇ ଦିନର ଜୀବନ ଜାଣି ବି
ସବୁତ ଏଠାରେ ବାୟା ।
ହାତ ଖାଲି ଥାଇ ଆସିଛ ମଞ୍ଚକୁ
ଖାଲି ହାତେ ବାହୁଡିବ
ଭଲ କାମ କରି ଯଦି ଯାଅ ଚାଲି
ଲୋକଙ୍କ ହୃଦେ ରହିବ।
ସ୍ନେହ ପ୍ରୀତି ବାଣ୍ଟି ଦୁଃଖ କୁ ସାଉଁଟି
ଅନ୍ୟ ଦୁଃଖେ ହେଲେ ଦୁଃଖୀ
ଏଇତକ କାମ କରି ପାରିଲେ
ଜୀବନେ ହୋଇବ ସୁଖୀ।
ଛାଡି ମୋହ ମାୟା ଜୀବେ କର ଦୟା
ଏଯେ ଅଳିକ ସଂସାର
ଛ ଖଣ୍ଡ କାଠକୁ ସମୟ ନିଅଣ୍ଟ
ସବୁ ହୋଇଯିବ ଦୂର।
ଅଳିକ ଜୀବନ କ୍ଷଣିକ ସମୟ
ପାଣି ଫୋଟକା ଠୁ ହୀନ
ଆତ୍ମା ଯେବେ ଛାଡି ଯିବ ଏ ଶରୀର
ଛ ହାତ ଭୂମିରେ ଶରୀର ହେବ ବିଲୀନ।