ଅଲୀଅଳି କନ୍ୟା

ଅଲୀଅଳି କନ୍ୟା ସୈ।ଭାଗ୍ୟ କାରଣ

ସରଗର ପାରିଜାତ

ଝଟକେ ଅମୂଲ୍ୟ ରତନ ସଦୃଶ

ସୁକନ୍ୟା ଆଲୋକ ଉତ୍ସ ।

କନ୍ୟାଟି ନୁହଁଇ ଅବଳା ଦୁର୍ବଳା

ଅସହାୟ ନିରିମାଖି

ସିଏ ଜୀବନର ମଧୁର ସଙ୍ଗୀତ

ପ୍ରକୃତି ସୁନ୍ଦର ସୃଷ୍ଟି ।

ଜନନୀ ଭଗିନୀ ଜାୟା ସ୍ୱରୂପରେ

ତାର ତ୍ୟାଗ ସ୍ନେହ ପ୍ରେମ

ସୃଜନ ପାଳନେ ସଞ୍ଚରେ ଅମୃତ

ଦୁହିତା ଜୀବନ ଧନ୍ୟ ।

ସେବା ସମର୍ପଣ କର୍ତ୍ତବ୍ୟ ନିଷ୍ଠତା

ସୁସମ୍ବନ୍ଧ ସୁବିଶ୍ୱ।ସ

ମୈ।ଳିକ ସୁଗୁଣ ଶକତି ସମ୍ପନ୍ନା

ନାରୀ ଜୀବନ ନିର୍ଯ୍ୟାସ ।

ଆଧୁନିକ ନାରୀ ନୁହଁଇ ଦୁର୍ବଳା

ଅବଳା ଲତା ବନିତା

ଶିକ୍ଷା ଦୀକ୍ଷା ସର୍ବ କରମ ଧରମେ

ଅଟେ ସେ ଅଗ୍ରଗଣିତା ।

ସ୍ୱଚ୍ଛନ୍ଦ ସ୍ୱାଧୀନ ଭାବେ ନିଜ ଗୋଡ

ସଳଖି ହେଉଛି ଠିଆ

ଗୃହ ଚାରିକୋଣେ ନୁହେଁ ସେ ବନ୍ଦିନୀ

ପଞ୍ଜୁରୀର ପୋଷା ଶୁଆ ।

ସେବା ଦେଶରକ୍ଷା ଜୀବିକା ନିର୍ବାହେ

ପରିଚାଳନା କ୍ଷେତ୍ରରେ

ଦକ୍ଷତା ଅନନ୍ୟ ପ୍ରଦର୍ଶନ ସିଏ

ସୁଯୋଗ ପାଇଲେ କରେ ।

ନୃତ୍ୟ ଗୀତ କ୍ରୀଡା ଅବା ରାଜନୀତି

ମହାକାଶ ଗବେଷଣା

ବଡ଼ ପାରଙ୍ଗମ ଆଧୁନିକ ନାରୀ

ଶିକ୍ଷିତା ସର୍ବ ସମ୍ପନ୍ନା ।

ଆମ ସ°ସ୍କୃତିରେ ନାହିଁ ଲିଙ୍ଗ ଭେଦ

ଜାତି ବର୍ଣ୍ଣ ଦୁର୍ଭାବନା

ମହିୟସୀ ନାରୀ ଦୁର୍ଗା କାଳୀ ଲକ୍ଷ୍ମୀ

ସରସ୍ୱତୀ ସଦା ପୂଜ୍ୟା ।

ସ୍ନେହ ପ୍ରେମ ଦୟା କ୍ଷମା ଶୀଳା ନାରୀ

ସୁକୋମଳ ସୁକୁମାରୀ

ବିକଶୁ ପ୍ରଫୁଲ୍ଲେ ପ୍ରତିଭା ସୁଗୁଣ

ମହକୁ ମରତ ପୁରୀ ।

ସଂକୀର୍ଣ୍ଣ ସ୍ୱାର୍ଥକୁ ଭୁଲି ଆମେ ସର୍ବେ

ହାତକୁ ମିଶାଇ ହାତ

ସମତାଳେ ଆମେ ଚଳିବା ସ°ସାରେ

ଗଢ଼ିବା ନୂଆ ଭାରତ ।