ଅକୁହା କଥା

ଅକୁହା କଥାଟି ଶୁଣ

କାହାରି ଆଗରେ କହି ନୁହଇ ତା

ମନରେ ରଖ ଏ ଗୁଣ।

ମନରୁ କିଛି ନ କହେ

ଶାସ୍ତ୍ର ପୁରାଣରେ ରହିଅଛି ଯାହା

ସେଇ କଥା ଆଜି କହେ ।

କେବେ ନିଜର ଆୟୁଷ

ଅକୁହା କଥା ତା କାହାରି ଆଗରେ

କରିବ ନାହିଁ ପ୍ରକାଶ ।

ଧନ ରଖିଅଛ କେତେ

ଅକୁହା କଥା ତା କାହାକୁ ନକୁହ

ପଚାରିଲେ ଯିଏ ଯେତେ ।

ଛିଦ୍ର ଆପଣା ଘରର

ଅକୁହା କଥା ତା ମନେରଖ କେବେ

ନ କହିବ କା ଆଗର ।

ପ୍ରାପ୍ତ ହେଲ ଗୁରୁମନ୍ତ୍ର

ଅକୁହା କଥା ତା କାହାରି ଆଗରେ

କହିବ ନାହିଁ ସେ ମନ୍ତ୍ର ।

ନିଜର ମୈଥୁନ ଗୂଢ

ଅକୁହା କଥା ତା କେବେ ନ କହିବ

ସମ୍ପର୍କ ଯେତେ ନିବିଡ ।

କେଉଁଠାରେ ଅପମାନ

ପାଇଥିବ ଯଦି କେବେ ନ କହିବ

ଅକୁହା କଥା ତା ମାନ ।

ତପ କରିଅଛ କେତେ

ଅକୁହା କଥା ତା ନ କହିବ କେବେ

ପଚାରିଲେ ଯିଏ ଯେତେ ।

ଦେଇଅଛ କେତେ ଦାନ

ଅକୁହା କଥା ତା ନ କହିବ କେବେ

ରଖିବ ସଦା ଗୋପନ ।

ଏଇ ନଅ ଗୋଟି କର୍ମ

ଅକୁହା କଥା ତା ରଖିବ ଗୋପନ

ଏହାହିଁ ମାନବ ଧର୍ମ ।