ଅକ୍ଷୟ ଧାରା

ଆଜି ପରା ଅକ୍ଷି ବାର,

ବୈଶାଖୀ ତୃତୀୟା ପୁଣ୍ୟ ତିଥିରେ,

ସାଆନ୍ତାଣୀ ଯିବେ ବାପଘର,

ଆଜି ପରା ତିଥି ବାର..!

ଆଜି ପରା ସେଇ ବାର,

ଝୋଟି ଓ ଚିତାରେ ଘର ମହକୁଛି,

ଶଙ୍ଖ ହୁଳହୁଳି ବାରମ୍ବାର,

ଅକ୍ଷି ମୁଠି ନେଇ ବାପ ଘର ଯିବେ

ସାଥିରେ ହଳ ଲଙ୍ଗଳ,

ମାଣ ଓ ଗଉଣି ପୂଜା ପାଉଅଛି,

ଏ ତ ଓଡ଼ିଆ ଘର ଗୌରବ,

ଆଜି ଶୁଭ ଅକ୍ଷି ପରବ !

ଆଜି ପରା ସେଇ ବାର

ଅକ୍ଷି ମୁଠି ସାଥେ ମାଣ,ସେର ପୁଣି,

ପୂଜା ଏ ମାଟି ମାଆର,

ନାହିଁ କ୍ଷୟ ଯହିଁ ଏ ପୁଣ୍ୟ ପରବେ,

ଅକ୍ଷୟ ଏ ପୂଣ୍ୟ ବାର,

ମା',ମାଟି,ପାଣି ମହିମାର ପ୍ରଥା,

ଗୌରବ ଗାଥା ଏ ମାଟିର,

ଅକ୍ଷତ,ଅକ୍ଷୁର୍ଣ୍ଣ,ଅନାହତ ପୁଣି,

ଗୌରବ ଏ ପରମ୍ପରାର,

ପୁଣ୍ୟ ଏ ସଂସ୍କୃତି ଉତ୍କଳୀୟ ଧାରା

କଥା କୃଷି,କୃଷକ, ଅନ୍ନ ଦାତାର,

ସବୁରି ପେଟକୁ ଦାନା ଯୋଗାଉଛି

ସବୁରି ମୁହଁରେ ହସ ଫୁଆର,

ଏ ପରବ ଅନ୍ନ ଦାତ୍ରୀର !

ଗ୍ରୀଷ୍ମ ର ଏଇ ମଙ୍ଗଳ ତିଥିରେ,

ଆଦ୍ୟ ଆଷାଢ଼ର ଉପଚାର,

ମଙ୍ଗଳ କାମନା ମଙ୍ଗଳ ଆଳତୀ

ସୁମଙ୍ଗଳ ଵିଧି ସୁମନାସ,

ଶୁଭରେ ଶୁଭରେ ଶୁଭ ମନାସଇ

ଶୁଭ ଆକ୍ଷି ମୁଠି ଅନୁକୂଳ !

ଏ ପରା ଅନ୍ନପ୍ରସନ୍ନ ସଦାଚାର,

ସ୍ୱୟଂ ଅନ୍ନପୂର୍ଣ୍ଣା ଜଗତ କଲ୍ୟାଣେ

ରଚେ ସେ ଲୀଳା ଅପାର,

କୃଷି କର୍ମଣୀର ଏ ଅପୂର୍ବ ବେଭାର

ଧନ୍ୟ ଏ ଜଗତ ସାର,

ଏ ପରା ମା,ମମତାର ଉପହାର,

ଅକ୍ଷୟ ଏ ଧାରା ପୁଣ୍ୟ କମଳେ,

ଧର୍ମର ପରା ଜୟ, କର୍ମର ଜୟ ଗାନ,

ଅକ୍ଷୟ ଏଇ ଅକ୍ଷି ମୁଠି ପର୍ବ

ଅକ୍ଷି ତୃତୀୟାର ଗୌରବ ସାର,

ଅନ୍ନ ଦାତ୍ରୀ ସେ ଆପଣାର !