ଅଜଣା କେହି

 ଅନ୍ଧକାର ଅପସରି ଆସିଲା ନବ ପ୍ରାତଃ

 ପ୍ରଭାତୀ ଶଙ୍ଖ ଶୁଭିଲା ଦିବସ ଉପଗତ

 ସ୍ମିତବଦନାର ବାଣୀ ସୁମଧୁର ସରସ

 ଏବେ କେମିତି ଲାଗୁଛି କହିବ କି ମାନସ ?

 ନା ନା ମୁଁ ମାନସ ନୁହେଁଁ ତାପସ ମୋର ନାଆଁ

 ତୁମ ସଞ୍ଜୀବନୀ ଯତନେ ଦେଖେ ନୂଆ ଦୁନିଆଁ

 ଶୁଣ ଗୋ ଅପୂର୍ବା ତାପସୀ ମୁଁ ଅଜଣା ମଣିଷ

 ଦିବସ ରଜନୀ ଜଗି ମୋତେ ଦେଲ ଆୟୁଷ

 ଶବ୍ଦଶୂନ୍ୟ ମୁଁ ତୁମକୁ ଦେବାକୁ ଧନ୍ୟବାଦ

 ମୋ ପାଇଁ ସହିଛ ନିଶ୍ଚେ ଅସଂଖ୍ୟ ଅପବାଦ।

 ବାମା ଭାଷେ ଆଜି ତୁମ ସ୍ମୃତି ଫେରିଲା ଜାଣି

 ଅପବାଦ ପାଲଟିଲେ ପରମାନନ୍ଦ ଖଣି ାା

 ଅଚିହ୍ନା କେହି କରିଛି ଆପଣାର କର୍ତ୍ତବ୍ୟ

 ଯାଅ ହେ ତାପସ ! ସେ ଯେ ଭୋଗିବ ଭବିତବ୍ୟ