ଅଜଣା ଭୟ
ଅଜଣା ଭୟ
ସାରା ପୃଥିବୀ ଆଜି ହାହାକାର
କରୋନାର କରାଳ କାୟାରେ
କବଳିତ ଧରିତ୍ରୀ ଅସହାୟ
ମୃତ୍ୟୁର ଦୁର୍ବାର ଅଭିସନ୍ଧି
ଆଉ ଜୀବନ ନିଃସହାୟ ll
ସାମାଜିକ ଦୂରତାର ଆହ୍ଵାନ
ସଦାଚାର ସୁସ୍ଥ ଜୀବନ ପାଳନ
ସତର୍କତାର ଅନେକ ପରିଚାଳନା
କିନ୍ତୁ ଲେଲିହାନ ଶିଖା ଜିହ୍ଵା ଲମ୍ବାଇ
ଟାଣି ନିଏ ଉଦରକୁ ଅନୁକ୍ଷଣ ll
ସାରା ବିଶ୍ୱ ମୁଖା ବୃତ୍ତ
ଅର୍ଥାତ୍ କାରଣ ଜାଣି ହୁଏନା
ସଂକ୍ରମଣ ଦିନକୁ ଦିନ ଅପସାରଣ
ମୃତ୍ୟୁର ବିଭିଷିକା ତାଣ୍ଡବ ଖେଳେ
ରାସ୍ତାଘାଟ ଶୂନଶାନ ll
ହସ ଖୁସିର ପୃଥିବୀକୁ ଘୋଟିଆସେ
ଏକ ଦୁଃଖଦ ବିପଦ
କୁଢ କୁଢ ଶବ ଉପରେ ଚାଲିବାକୁ ହୁଏ
ଏକ ନୂଆ ପୂତିଗନ୍ଧମୟ ପରିବେଶ
ବାକଋଦ୍ଧ କରେ ସ୍ପନ୍ଦନ ll
ପ୍ରକୃତିର ବିଭୀଷିକା ବଳେ
ଅର୍ଥନୀତି ଆଜି ସ୍ଥାଣୁ
ବିକଶିତ ରାଷ୍ଟ୍ର ସବୁ ଆଜି ଉପାୟଶୂନ୍ୟ
ପରିବେଶ ସନ୍ତୁଳନ ନ ହେଲେ
ମହାମାରୀକୁ ନିମନ୍ତ୍ରଣ ll
ଆମେ ପାରିବା ଲଢିବା ଜିତିବା
ନିଶ୍ଚିତ ମୃତ୍ଯୁକୁ ଜୟ କରିବା
ସଜେଇ ଦେବା ପୁଣି ପୃଥିବୀକୁ
ଗଜେଇ ଦେବା ନୂତନ ବୀଜକୁ
ଅଙ୍କୁରିତ ହୋଇ ନାଚି ଉଠିବା ll
ଏ କାଳ ସମୟ ଦୂର ହେବ
ପୁଣି ନୂତନ ସୂର୍ଯ୍ୟ ଉଦୟ ହେବ
ପକ୍ଷୀ କାକଳିର ଗୁଞ୍ଜରଣେ
ଚିକମିକ କାକର ଟୋପା
ମୁକ୍ତାର ଭ୍ରମ ସୃଷ୍ଟି କରେ
ଖାଲି ଆବଶ୍ୟକ ଟିକେ ଧୈର୍ଯ୍ୟ
ସତସାହସ ଓ ସଂଯମ ll