ଐଶ୍ଵର୍ଯ୍ୟ
ଐଶ୍ଵର୍ଯ୍ୟ
ଜୀବନ ଜୀବିକା ନିତି ଦିନ ସଖା
କିଏ କ୍ଷୁଦ୍ର କିଏ ବଡ଼
ସୌଭାଗ୍ୟବଶତଃ କିଏ ବିତ୍ତ ପାଏ
କିଏ ସହେ ଝଡ ମାଡ଼ ।
ଆଳସ୍ୟତା ପଣ ଅଧୋପତ୍ତନକୁ
କର୍ମୀ ହୁଏ ଉର୍ଦ୍ଧ୍ୱଗାମୀ
ଶିରେ କର ଦେଇ ନୀଚ୍ଚ ମନା ଚିନ୍ତେ
ହୃଦୟେ ଜ୍ୱଳନ ବହ୍ନି ।
ଅନ୍ତରେ ଭିତରେ ଦୟା ରଖି ଯିଏ
କରୁ ଥାଏ ଅଗ୍ରଗତି
ସିନ୍ଧୁ ସୁତା ତାର କର ନଛାଡନ୍ତି
ସର୍ବଦା ଲଭଇ ଶାନ୍ତି ।
ଈର୍ଷା ପରାୟଣା ମନୋବଳ ଭାଙ୍ଗେ
ଦରିଦ୍ରତା ହୁଏ ସାଙ୍ଗ
ଭାଗ୍ୟ ଆକାଶରେ ଅସ୍ତରାଗ ଦିଶେ
କରି ନପାରେ ସେ ଭୋଗ ।
ଈଶ୍ଵର କୃପାରୁ ପରିଶ୍ରମ ବଳେ
ଉପାର୍ଜନ ଯେଉଁ ଧନ
ତହିଁରେ ନିବେଶ ଲଭିବ ଉଲ୍ଲାସ
ସଙ୍ଗେ ପୁଣି ସନମାନ ।