ଅହଂକାର

ଅହଂକାରର

ଖୋଳପା ଭିତରେ

ବନ୍ଦୀ ହୋଇ ହୋଇ

ନିଃଶେଷ ହେଇଯିବ

ତୁମ ଜୀବନ ।

ଈର୍ଷାର ପାହାଡ଼

ଚଢି ଚଢି

ଶିଖର ଛୁଇଁବ

ତୁମ ମନ ।

ସନ୍ଦେହର ଘନ

କୁହେଳିକା ଭିତରେ

ହଜିଯିବ ତୁମେ

ଶେଷ ହେଇଯିବ ଅପରାହ୍ନ

ଦେଖୁଥିବ

ଜୀବନର ସାୟାହ୍ନ ।

ଶେଷରେ

ତୁମେ ପାଇବ କ'ଣ ?

ଶୂନ୍ୟ ଶୂନ୍ୟ ମହାଶୂନ୍ୟ

ଶୂନ୍ଯତା ଭିତରେ

ଖୋଜୁଥିବ ତୁମେ ଜୀବନ ।

ଦେଖିପାରିବନି ଆଲୋକିତ ଫର୍ଦ୍ଦ

ଅନ୍ଧକାର ଭିତରେ

ଚିତ୍କାର କରୁଥିବ ତମେ

କେହି ନ ଥିବେ

କିଏ ଶୁଣିବ ତୁମ ଡାକ

ଶୁଣିପାରିବନି

କାହାର ପାଦଶବ୍ଦ ।