ଅହିଂସା ପୂଜାରୀ

ହେ ବାପୁ ମହାତ୍ମା ଆମର ନୀୟନ୍ତା

            ଦୂର କରିଥିଲ ଆମ ସବୁ ଚିନ୍ତା ।

ସେହି ଚିତ୍ରପଟ ଆତ୍ମାରେ ଖୋଦିତ

           ସାରା ବ୍ରହ୍ମାଣ୍ଡରେ ଆପଣ ପୂଜିତ ।

ସତ୍ୟ ଓ ଆଦର୍ଶ ଅହିଂସା ପୂଜାରୀ

          ନେଇଥିଲୁ ଆମେ ସମସ୍ତେ ଆଦରି ।

ସେହି ଆଦର୍ଶରେ ଆଜି କରି ଗତି

           ସାରା ଦୁନିଆଁରେ ରଚୁଛୁ ଉନ୍ନତି ।

ଆଜି ମନେପଡେ ଅତୀତ କାହାଣୀ

          କାଳ ଓ କାଳକୁ କରିଗଲେ ଋଣୀ ।

ସ୍ୱାଧୀନତା ଯୁଦ୍ଧେ ମୁଖ୍ୟ ସେନାପତି

          ପଛେ ପଛେ ସବୁ କରୁଥିଲେ ଗତି ।

ଧରି ସତ୍ୟାଗ୍ରହ ବ୍ରହ୍ମ ଅସତର 

         ସାମାଜିକ ନ୍ୟାୟେ ଥିଲେ ଅଗ୍ରସର ।

ଖାଇଲେ ଇଂଗ୍ରେଜ ଅହିଂସା ପ୍ରହାର

         ହୋଇଥିଲେ ଆମ ଦେଶରୁ ବାହାର ।

ବାପୁ କରିଥିଲେ ପିତା ପରିଚିନ୍ତା

          ପାଇଛ ସମ୍ମାନ ହୋଇ ରାଷ୍ଟ୍ରପିତା ।

ତୁମର ଜୟନ୍ତୀ ଦେଶେ ଅବକାଶ

         ସେ ଅନ୍ତଃରାଷ୍ଟ୍ରୀୟ ଅହିଂସା ଦିବସ ।

ଭକ୍ତିପୂତ ଭାବେ ଆମ ଶ୍ରଦ୍ଧାଞ୍ଜଳି

          ପୁନଃ ଜନ୍ମେ ଆସ ଏ ଆମର ଅଳି ।

ଧନ୍ୟ ଧନ୍ୟ ଆମ ଅହିଂସା ପୂଜାରୀ

           ଆଜି ଏ ସଂସାରେ ଶ୍ରଦ୍ଧା ସବୁରି ।