ଅଧା ଗଢା ଅଭିଷିକ୍ତ ପ୍ରେମ
ଅଧା ଗଢା ଅଭିଷିକ୍ତ ପ୍ରେମ
କଞ୍ଚା ବୟସରେ ପ୍ରେମ କରିଥିଲି
ତୁମକୁ ମନଟି ଦେଇ ବସିଥିଲି
ରାତି ଦିନ ସବୁ ଭୁଲି ଯାଇଥିଲି
ତୁମ ଭାବନାରେ ବୁଡି ରହୁଥିଲି ।।
ମନଟା ତ ମୋର ଉଡ଼ି ବୁଲୁଥିଲା
ସାତ ରଙ୍ଗ ଭଳି ସବୁ ଲାଗୁଥିଲା
ତୁମେ ମୋ ଆଖିର ତାରା ସାଜିଥିଲ
ଇନ୍ଦ୍ରଧନୁର ଛଟା ମାରିଥିଲ ।।
ପ୍ରେମ ର ମନ୍ଦିର ଗଢ଼ି ତୋଳିଲ
ସେଥିରେ ମୁଣ୍ଡିଟି ତୁମେ ମାରିଲ
ପ୍ରେମର ରୂପକୁ ସାକାର କଲ
ସବୁ ଦିନ ପାଇଁ ହାତ ଧରିଲ।।
ବିଧିର ବିଧାନ ଥିଲା ଅଲଗା
ବିଧାତା ଟାଣିଛି ଏହାର ରେଖା
କାମ ଅଛି କହି ବାହାରି ଗଲ
ଆଜି ପର୍ଯ୍ୟନ୍ତ ତ ତୁମେ ନ ଫେରିଲ।।
ତୁମର ପଥକୁ ଚାହିଁ ତ ରହିଛି
ଫେରି ଆସିବ ବିଶ୍ୱାସ ରଖିଛି
ଅଭିଶପ୍ତା ବୋଲି ନିଜକୁ ଭାବୁଛି
ଲୁହକୁ ପିଇ ବଞ୍ଚି ରହିଛି।।