ಲೈಬ್ರರಿ
ಪ್ರೊಫೈಲ್
ଅଚିହ୍ନା ମଣିଷ
ଅଚିହ୍ନା ମଣିଷ
1 min
243
ଅଚିହ୍ନା ମଣିଷ ଚିହ୍ନା ହୋଇଯାଏ
କିଛି ଦିନ ବିତିଗଲେ
ବିଶ୍ୱାସ ପାଲଟେ ପରିଚିତି ପୁଣି
ଅବିଶ୍ୱାସୀ ମନ ତଳେ
ସମୟର ଅନ୍ତରାଳେ
ଜୀବନ ଯାତ୍ରାରେ ଅଚିହ୍ନା ଚିହ୍ନାର
ନିତି ଅଙ୍କକଷା ଚାଲେ
ଚିହ୍ନା ଲୋକ ପୁଣି ଅଚିହ୍ନା ହୁଅନ୍ତି
ସ୍ୱାର୍ଥରେ ପଡିଲେ ବାଧା
ମୁହଁକୁ ବୁଲେଇ ଦୂରେଇ ଯାଆନ୍ତି
ବାଟ ରହିଯାଏ ଅଧା
ହୁଏ ନାହିଁ ଅସୁବିଧା
ସେଇ ବାଟେ ପୁଣି ଅଚିହ୍ନା ଲୋକଟେ
କରେ ଜୀବନ ମସୁଧା
ସ୍ନେହ ଶରଧା ଯେ ଅଚିହ୍ନା ଲୋକକୁ
ଚିହ୍ନା ପୁଣି କରିଦିଏ
ଆପଣାର କରି ପାରିଲେଟି ସିନା
ଚୋର ଜଗୁଆଳ ହୁଏ
ପଶୁ ପୋଷା ମାନୁଥାଏ
ଅଚିହ୍ନା ମଣିଷ ଜୀବନ ବହିର
ଚିହ୍ନା ଅଧ୍ୟାୟଟେ ହୁଏ
