ଅବୁଝା ମନ

ବଡ଼ ଅବୁଝା ଏ ମନ

ବାଧ୍ୟ ବାଧକତାରେ ଚାହେଁନି 

ବାନ୍ଧିହୋଇ ରହିବାକୁ ।

ମୁକ୍ତ ପକ୍ଷୀ ହୋଇ ଘୂରି ବୁଲେ

ବିସ୍ତୀର୍ଣ୍ଣ ଆକାଶ ଛାତିରେ

ପୁଣି କେବେ ଧରଣୀରେ ।

କେବେ ବାନ୍ଧିହୁଏ କିଛି ସମୟ

ଅବାନ୍ତର ପ୍ରଶ୍ନବାଚୀ ଭିତରେ

କେବେ ଖୋଜିପାଏ ଉତ୍ତର ନିଜ ଭିତରେ ।

କିଛି ସ୍ବପ୍ନ ଦେଖେ ଆଖିରେ

ଭିଜେ ନିଜ କାହାଣୀ ଭିତରେ

ଆଉ କେବେ ମିଛ ବାହାନା ପଛରେ ।

କିଛି ଆଶା ସାଉଁଟେ ଅଜଣା ବାଟରେ

ଅନ୍ଧ ଦେଶ ଉହାଡରେ

ଅଭିଳାଷ ଅପରିଚିତା ପାଖରେ ।

ନିଜେ ଘୁରିବୁଲେ ଚିହ୍ନିବାକୁ ନିଜକୁ

କସ୍ତୁରୀ ଖୋଜିବା ମୃଗ ସମ

ପରିଚୟ ପାଏନି ସରିଯାଏ ଜୀବନ ।