Library
Profile
ଅବଳା ପ୍ରୀତି
ଅବଳା ପ୍ରୀତି
ହୃଦ ମନ୍ଦିର ମୋ ଖାଲି ପଡ଼ିଅଛି
ନାହିଁ ତହିଁରେ ଦେବତା
ତୁମକୁ ଦେବତା କରି ମୋ ହୃଦୟେ
ଜାଳେ ମୁଁ ସଞ୍ଜ ସଳିତା
ତୁମେ ଯଦି ହୁଅ ଶ୍ୟାମଳ ପୃଥିଵୀ
ମୁଁ ଯେ ନୀଳ ଶୈଳ ଶ୍ରେଣୀ
ଅନନ୍ତ ସାଗର ତୁମ କଳେବର
ମୁଁ ଯେ ଶ୍ୟାମା ଶୈବାଳୀନି
ତୁମେ ଯଦି ହୁଅ ଅସୀମ ଆକାଶ
ମୁଁ ହେବି ଶୁକ୍ର ତାରକା
ମୋ ହୃଦ ମନ୍ଦିରେ ଭଗବାନ ସାଜି
ପୂଜା ପାଉଥିବ ଏକା
0, 0);">ତୁମେ ଯଦି ହୁଅ କବିତାର ଧାରା
ପୁଣି ନୀଳ ପାରାଵାର
ମୁଁ ହେବି ତହିଁରେ ପଦ୍ୟ ଛନ୍ଦମାନ
ପୁଣି ନିର୍ମଳ ନିର୍ଝର
ତୁମେ ଯଦି ହୁଅ ସାଗର ସାମୁକା
ମୁକୁତା ମୁଁ ତା ଭିତର
ତୁମେ ହିରଣ୍ମୟ ଜଙ୍ଗଲ ମଧ୍ୟେ ମୁଁ
କସ୍ତୁରୀ ତୁମ ନାଭିର
ହୃଦୟ ଜାହ୍ନବୀ କଲ୍ଲୋଳିତ କେନ୍ହେ
ପାଆନ୍ତା ତୁମ ପରଶ
ତୁମ ବିରହର ବେଦନା ଅସହ୍ୟ
ମୋ ହୃଦେ ନାହିଁ ସରସ
