ମୁଁ କିଏ

ମୁଁ,  ମୁଁ ନୁହେଁ|

କାହାର ଆଶା ତ କାହାର ପ୍ରତ୍ୟାଶା

ମୁଁ କାହାର ପାପ ତ କାହାର ପୁଣ୍ୟ

ମୁଁ କେବେ ଅହଂର ଧ୍ୱନି ତ କେବେ ଚୀର ବନାନୀ

ମୁଁ କେବେ ଏକଲବ୍ୟର ନିଷ୍ଠା ତ କେବେ ଅଭିମନ୍ୟୁର ଅସହାୟତା

ସମୟର ତାଳେ ତାଳେ ଗାନ୍ଧାର ଶକୁନି ବି ମୁଁ

ଲୁଚକାଳି ର ଅଭିନୟ ରେ ବୃହନ୍ନଳା ମୁଁ

ନାଚୁଛି ଆଉ ନଚାଉଛି ବି

କେବେ ବଂଶୀ ର ରାଗ ତ କୋମଳ ସ୍ଵଭାବ

କାହା ପାଇଁ ମଥାର ସିନ୍ଦୁର ତ କାହା ଲୋତକର ଧାର

ମୁଁ  ଆକାଶର ଅର୍ଧେନ୍ଦୁ ତ ପୁଣି ପୂର୍ଣ୍ଣିମା ର "ପୁର୍ନେନ୍ଦୁ"|

ସେ କହେ, ମୁଁ "ପୂର୍ଣ୍ଣ ଚନ୍ଦ୍ରରେ ପୂର୍ଣ୍ଣ ବିନ୍ଦୁ"|