ଅବିଶ୍ୱାସୀ ପ୍ରିୟତମା

ନିଃଶ୍ୱାସକୁ  ଯେପରି 

         ନ' ଥାଏ ବିଶ୍ୱାସ,

ବିଶ୍ୱାସେ ବିଷ ଦେଇ

         ହାରିଲୁ  ବିଶ୍ୱାସ |

ବାଇ ଚଢେଇ ପରି

         ବାନ୍ଧିଥିଲି  ବସା,

ଅଞ୍ଚାଶ ବାତ ସାଜି

         ଦେଲୁ କି ଦୁର୍ଦ୍ଦଶା l

ପ୍ରେମ କରି ଭୁଲରେ

         ହେଲି ଅଣନିଃଶ୍ୱାସ ||

ନିଃଶ୍ୱାସ...........................................|(1)

ସୁନା ପଞ୍ଜୁରୀର "ତୁ"

          ସୁକୁମାରୀ ଶାରୀ,

ମାଟି ଘର ଶୁଆ "ମୁଁ"

          ହେବିନି "ତୋ" ସରି l

ମୋ କପାଳେ "ତୁ" ବୋଧେ

          ହୋଇଥିଲୁ  ଲେଖା,

ଭାଗ୍ୟର ବିଡମ୍ବନା

          ଦେଲୁ ମୋତେ ଧୋକା |

ମିଥ୍ୟା ଗୁଜବ ଶୁଣି

          କଲୁ  ଅବିଶ୍ୱାସ |

ନିଃଶ୍ୱାସ..........................................|(2)

ପ୍ରେମ କରି ମରୁଛି

          ଝୁରି ଝୁରି ଖାଲି,

ତୋ ପ୍ରେମକୁ କେମିତି

          ପାରିବି " ମୁଁ" ଭୁଲି l

ବିପଦେ ଠେଲି ଦେଇ

          ଗଲୁ  ମୋତେ ଚାଲି,

ଏଡ଼େ ସ୍ୱାର୍ଥପର " ତୁ"

          ଜାଣି  "ମୁଁ" ନଥିଲି |

ବୁଝିଲା ବେଳକୁ "ତୁ"

          ନଥିବ  ନିଃଶ୍ୱାସ |

ନିଃଶ୍ୱାସ................................,..............(3)