ଅଭ୍ୟାସ

#ସିଧାକଥା -୮୯

ଅଭ୍ୟାସ ଆମକୁ ସୁଦକ୍ଷ କରାଏ କାମକୁ ଆଗେଇ ନିଏ,

ଅଭ୍ୟାସରେ ଅସମ୍ଭବ କାମ ଯେତେ ସହଜରେ କରିହୁଏ |

ଅଭ୍ୟାସ ବଳରେ ନୂଆ ଅନୁଭବ ନୂଆଶିକ୍ଷା ମିଳିଥାଏ,

ଅଭ୍ୟାସ କରିଲେ ଜାଦୁକର ଖେଳ ଅତି ଚମତ୍କାର ହୁଏ |

ଅଭ୍ୟାସ ରଖିଲେ ନ ଗାଇବା ଲୋକ ଗାୟକ ବି ହୋଇପାରେ,

ଅଭ୍ୟାସ ବଳରେ ଚାଲିହୁଏ କଣ୍ଟା-ନିଆଁ ପୁଣି ଖଣ୍ଡାଧାରେ |

ଅଭ୍ୟାସ ରଖିଲେ କଳାକାର-ଶିଳ୍ପୀ ହୋଇଥାଏ ସୁବିଖ୍ୟାତ,

ଅଭ୍ୟାସରୁ କବି-ଲେଖକ କଲମ କିଣିନିଏ କୋଟିଚିତ୍ତ |

 

ଅଭ୍ୟାସରେ ବୃଦ୍ଧ ଧାଇଁପାରେ ପୁଣି ଶତ୍ରୁ ସଙ୍ଗେ ଲଢିପାରେ, 

ଅଭ୍ୟାସରେ ଥିଲେ ଭଲ ବ୍ୟବହାର କରିହୁଏ ସବୁଠାରେ |

ଅଭ୍ୟାସରୁ ଶିଶୁ କଥା କହିପାରେ ଉଠି-ପଡ଼ି ପୁଣି ଚାଲେ,

ଅଭ୍ୟାସ ନଥିଲେ ସବୁ ଅକାରଣ କି'ହେବ ସେ ପାଠ ଥିଲେ ?