ଅଭୂଲା ସ୍ୱପ୍ନ

କାହ୍ନୁ ପ୍ରେମେହେଲି ବାଇଗୋ ସଜନୀ

          କାହ୍ନୁ ପ୍ରେମେହେଲି ବାଇ ।

ତା ମୂରଳୀ ସ୍ଵନ କଲାକି ମନ୍ତର

ଚିତ୍ତ ମୋର ସ୍ତିର ନାହିଁ ଗୋ ସଜନୀ ।

କାହ୍ନୁ ପ୍ରେମେହେଲି ବାଇ ।୧ ।

ସପନେ ଦେଖିଲି ମୟୂର ଚୁଳିଆ

      ଚିତ୍ତ ଚୋରା ଗୋପୀନାଥ ,

ରାସରେ ଶ୍ରୀହରିଭାବ ବିନୋଦିଆ

       ଚୁମ୍ବ ଦେଲେ ମୋର ମାଥ ।

ବାହୁ ବନ୍ଧନରେ ବାନ୍ଧିନେଲେ ଥରେ

ବାୟାଣୀ ମୁଁ ତାଙ୍କ ପାଇଁ ଗୋ ସଜନୀ ।

କାହ୍ନୁ ପ୍ରେମେହେଲି ବାଇ । ୨।

ବିଧିର ବିଧାନ ଅଟଇ ବିଚିତ୍ର

      ଛାଡ଼ିଗଲେ ଗିରିଧାରୀ ,

ବାହୁନି ବାହୁନି ଝୁରେ ରାତି ଦିନ

       ମନକରିନେଲେ ଚୋରୀ ।

ସବୁ ସପନତ ସତ ହୁଏ ନାହିଁ 

ଶ୍ୟାମ ମୁଁ ପାଇବି କାହିଁ ଗୋସଜନୀ ।

କାହ୍ନୁ ପ୍ରେମେହେଲି ବାଇ ।୩ ।