ଅଭୁଲା ତାର ଛବି

ସକାଳ ହେଲେ    ନିଇତି ଉଏଁ

     ପୂରୁବ ଦିଗେ ରବି

କେତେ ସୁନ୍ଦର    ଗାଁଟି ମୋର

     ଅଭୁଲା ତାର ଛବି।

ବିହଙ୍ଗ ସୁର     କି ମନୋହର

     ବାଦୁଡ଼ି ପଲ ପଲ

ପାଇକ ପିଲା    ମାରଇ ଶୂନ

      ସତେ କି ଅବା ମଲ୍ଲ।

ଶ୍ୟାମଳ ବନ.    ସବୁଜ କ୍ଷେତ

      ସୁନ୍ଦର ଦୃଶ୍ୟ ରାଜି

ମମତା ଭରା      ସେନେହ ପ୍ରୀତି

       ପଡୁଛି ମନେ ଆଜି ।

ଭାଇ ବନ୍ଧୁର     ପ୍ରେମର ଡୋରି

       ବାନ୍ଧି ରଖିଛି ମନ

ଗରିବ ହେଉ.     ମୁଲିଆ ହେଉ

       ଭାଇ ମୋ ମହା ଧନ ।

ରାମଚଣ୍ଡୀ ର.      ଶିଳା ଉପରେ

       ପକାଇ ଦେଲେ ଆଖି

ମନ ହୃଦୟ       ତରଳିଯିବ

     ଭକତି ଯିବ ଲାଖି ।

ମା ମହିମା      କିଏସେ ଅନ୍ୟ

     ପାରଇ ଭଲା ମାପି

ଉଧାରି ଦେବ     ବିପଦ ଯେତେ

     ହେଉବା ମହାପାପୀ ।