ଲାଇବ୍ରେରୀ
ପ୍ରୋଫାଇଲ୍
ଅଭୁଲା ଛବି
ଅଭୁଲା ଛବି
1 min
215
ଏମିତି ଗୋଟିଏ ଦିନ ଆସିନାହିଁ
ଯେଉଁଦିନ ଆଖିକୋଣେ
ନାଚି ଯାଇନାହିଁ ବରଷାର ଛବି
ଭିଜିନି ମୁଁ ମନେ ମନେ
କେତେଯେ ଅଦେଖା ସପନ କୋଳରେ
ବିତି ଯାଇଛି ମୋ ରାତି
ବିସ୍ମୃତି ଗର୍ଭରୁ ସ୍ମୃତିକୁ ସାଉଁଟି
ପଥର କରିଛି ଛାତି
ସାଗର ବେଳାରେ ଏକାଏକା ବସି
ନିଜସହ କଥାହୁଏ
ଜୋଛନା ଭିଜାଇ ପାରେନାହିଁ ମୋତେ
ଆଖି ଭିଜୁଥାଏ ଲୁହେ
ଶ୍ରାବଣ ଭାଙ୍ଗିନି ବାଲିଘର ମୋର
ଏବେ ବି ହୋଇଛି ଠିଆ
ଅଥୟ କରୁଛି ବରଷାର ସ୍ମୃତି
ଜଳି ଯାଉଛି ମୋ ହିଆ
