Library
Profile
ଅଭିନୟ
ଅଭିନୟ
କିଏ ପର ଆପଣାର ,
ଖୋଲା ଜନ୍ମ ମୃତ୍ଯୁଦ୍ବାର ।
ଛି କର ଅନୀତି କର୍ମ,
କର ଦେଶେ ଜୀବ ଧର୍ମ ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
ଥାଉ ଶାନ୍ତି - ଦାନ - ଦୟା,
ନ ଥାଉ ହେ ମୋହ ମାୟା ।
ନ କର ଦେଶକୁ ଖାର,
ବଚନ ବୋଲ ରୁଚିର ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
ଚଲାପଥେ ସୁଖ ଦୁଃଖ,
କୁକର୍ମ କେବେ ନ ଦେଖ ।
ଖେଳ ଘର ଏ ସଂସାର,
ଖେଳ ଅନ୍ତେ ଯମପୁର ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
ପବିତ୍ର ଗ୍ରନ୍ଥ ପଠନ,
ପାପ ନାଶ ସୁଧୀ ଜନ ।
ସଂସାରେ ଧର୍ମର ଜୟ,
ଅଧର୍ମର ହେବ କ୍ଷୟ ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
ଷଡରିପୁ ଶ୍ରେଷ୍ଠ ବୈରୀ,
ପୂଣ୍ୟର କେ' ହେବ ସରି ।
ହେ ସୃଷ୍ଟିର ଜୀବଗଣ,
ରଖ ହେ ମାନସମ୍ମାନ ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
ହୁଅ ହେ ମହାତ୍ମା ଜନ,
ଥାଉ ସଦା ପୂତ ମନ ।
ମନେ ଥାଉ ସତ୍ଯ - ଶାନ୍ତି,
ନ ଥାଉ ହେ ଭୟ ଭ୍ରାନ୍ତି ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
ସଂସାର ମାୟା ବନ୍ଧନେ,
ଜୀବନ ଯିବ କ୍ରନ୍ଦନେ ।
ଅଭିନୟ ଚଲାପଥ,
ମିଛ ଏ ସଂସାର ରଥ ।
ଭାବ ଜୀବ ସରବେ ସଂପର୍କୀୟ,
ଏ ଜୀବନଟା ଏକ ଅଭିନୟ ।
▪▪▪▪▪▪▪▪▪
