ଅଭିନୟ
ଅଭିନୟ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଏ ମହୀମଣ୍ଡଳ ଅଟେ ରଙ୍ଗ ମଞ୍ଚ
ସର୍ବେ ଏଠି ଅଭିନେତା
ନିୟତି ନାଟକେ ଅଭିନୟ କରି
ଦେଖାନ୍ତି ନିଜ ଦକ୍ଷତା
ଭଗ୍ନୀ ଜାୟା ମାତା ସୂତା
ପୁତ୍ର ପୁଣି ପିତା କେବେ ବନ୍ଧୁ ସଖା
ଚରିତ୍ରର ବିବିଧତା ।
ସମ୍ପର୍କ ସଂଳାପ ଵିଧି ନିର୍ଦେଶକ
ମଣିଷ କାଠ କଣ୍ଢେଇ
କାଳ ନଚାଉଛି କର୍ମ ଦଉଡିକୁ
ମଣିଷ ତେଣୁ ନାଚଇ
ନୀରବ ଦର୍ଶକ ହୋଇ
ଦେଖୁଅଛି ଜଣେ ସବୁ ଅଭିନୟ
ରହିଣ ସଦା ଅନେଇ ।
ଅଭିନିତ ହେଉ ମହାନାଟକରେ
ସତ୍ୟ ଶାନ୍ତି ଦୟା କ୍ଷମା
ତେବେ ଟି ହସିବ ମରୁ ରଙ୍ଗ ମଞ୍ଚ
ପାଇ ସରଗ ସୁଷମା
ନିରାଶ ନ ହୋଇ ଜମା
ଚରିତ୍ରକୁ ଦିଅ ଜୀବନର ସ୍ପର୍ଶ
ଅତୁଳନୀୟ ଉପମା ।