Library
ଅଭିନୟ
ଅଭିନୟ
ଏ ସଂସାର ଏକ ରଂଗମଞ୍ଚ ପରା
ଆମେ ସବୁ କଳାକାର
ଅଭିନୟଆମେ କରୁନାଟକରେ
ଅଭିନେତା ନେତ୍ରୀଙ୍କର ।
ଦୃଶ୍ୟ ପରେ ଦୃଶ୍ୟ ଅଭିନୀତ ହୁଏ
ଛିଡାଇବା ଯୋଡିବାରେ
ସବୁ ସଂପର୍କ ତ ଗ୍ରହଣୀୟ ନୁହେଁ
ନାୟକ ନାୟିକା ଠାରେ ।
ସବୁ ସଂପର୍କର କର୍ତ୍ତବ୍ୟ ସୀମିତ
ଅଧିକାର ଅସୀମିତ
ଆଶା ନିରାଶାର ପ୍ରାପ୍ତି ଅପ୍ରାପ୍ତିର
ଲୁକ୍କାୟିତ ରହେ ସ୍ୱାର୍ଥ ।
ଜୀବନ ନାଟକେ ଯେଉଁ କଳାକାର
ପରିବାର କଥା ଭାବେ
କଳା ପ୍ରଦର୍ଶନ ଶତକଡା ଶହେ
ଦର୍ଶକ କାହିଁ ପାଇବେ ।
ସଂପର୍କ କର୍ତ୍ତବ୍ୟ ସ୍ୱାର୍ଥ କଥା ଯଦି
କଳାକାର ଭାବୁଥିବ
ନାଚିବା ଗାଇବା ହସିବା କାନ୍ଦିବା
ଅଭିନୟ ବାଧା ହେବ ।
ମାନ ଅଭିମାନ ନିଃସ୍ୱାର୍ଥ ଭାବନା
ଆନନ୍ଦ ହିଁ ନିର୍ଭେଜାଲ
ଅନ୍ତର ଦହନ କରି ପ୍ରଶମନ
ତୃପ୍ତି ଦାନେ ମାତି ଚାଲ ।
ସ୍ୱାର୍ଥ ପାଇବାକୁ ସବୁ ସଂପର୍କରେ
ହୁଅନ୍ତି ଟଣା ଓଟରା
ଅଭିନୟେ ଅଧିକାର ଦାବୀ କରି
ଆଘାତ ଦିଅନ୍ତି ପରା ।
ପୂର୍ବ ଜନ୍ମ ସୁକୃତର ଫଳ ପରା
ଏଇ ଜନ୍ମେ ଲାଭ ହୁଏ
ଯାହା ଦେଇ ନାହୁଁ ଗତ ଜନମରେ
ଚାହିଁଲେ କି କେହି ପାଏ ।
ମନ ଜାଣି ଫଳ ଦିଅନ୍ତି ଈଶ୍ବର
ଶାସ୍ତ୍ରେ ହୋଇଅଛି ଲେଖା
ସ୍ୱଚ୍ଛ ଅଭିନୟ ଅଟେଗଙ୍ଗାଜଳ
ମନଜାଣି ହୁଏଦେଖା ।
ଜୀବନର ମଧୁଛନ୍ଦ ନିନାଦିତ
ଜୀବନ ଯାତ୍ରାରେ ଆମ
ଅବ୍ୟାହତ ରଖି ଚାଲିବା କଠିନ
କଳା ଅଟେ ଏ ବିଷମ ।
ଅନ୍ତରର ଜ୍ବାଳା ଗୁପ୍ତରଖି ମେଘ
ଜଳସଦା ଢାଳିଦିଏ
ରାଜା ଯେଉଁ ପରି ସୁଖତ୍ୟାଗ କରି
ପ୍ରଜାଗଣ ପାଳିଥାଏ ।
ଜୀବନର ଶ୍ରେଷ୍ଠ କଳାଅଭିନୟ
ଦକ୍ଷତା ସହ ତୁଲାଇ
ଏ ମର ଜଗତେ ଚିରଦିନ ଥିବା
ଅମର ପ୍ରତିଭା ହୋଇ ।
