ଅଭିମନ୍ୟୁମାନେ

ଆଜିର ଫୁଲ ତାଜା

କାଲିକି ଅଖୋଜା ଅଲୋଡ଼ା

ମଉଳା ହୋଇଯିବ ନିଶ୍ଚେ

କେତେଟା ସୃଷ୍ଟିର ନିୟମ ପରି

ଦେଇଥିଲେ ପାଇ

ପାଇବାକୁ ହେଲେ ଦେବାକୁ ହୁଏ

ଦିଆକୁ ଦିଆ ନଦିଆକୁ ଦୁଆର ଦିଆ

ନ୍ୟାୟ ଆଜି ଅଧିକ ପ୍ରଚଳିତ

ନଗଡା ଗାଁର ଜୁବି ମାଉସୀ

ଚେର ପୋଡି ଖାଏ ଏ ଶତାବ୍ଦୀରେ

ଭାତ ଡାଲି ଦେଖିନାହିଁ ଜାଣିନାହିଁ ସିଏ

ଲୁଣ ନଥାଇ ଯାଉ ଖାଉଥିଲେ

ଲଷ୍ମଣ ନାୟକ ଶହୀଦ ହେଲେ

ଭାତ ଡାଲି ଦେଖିନଥିବା ମାଉସୀ

ତା ସାଥିର ଅପା ନାନୀ ଦାଦା ଶୁକୁରୁ ଜାନି

ଆଜି ବି ଅସଭ୍ୟ ବର୍ବର

ତାଙ୍କ ପାଇଁ ଶିକ୍ଷା ସ୍ୱାସ୍ଥ୍ୟ ପରିମଳ

ଏମିତି କଣ ଫାଙ୍କା ଆବାଜ ଭଳି ରହିଯିବ

କାରଣ ସେମାନେ ଜନଜାତି

ଆଦିମ ମଣିଷ

ସଭ୍ୟ ହେବାକୁ ଆଉ କେତେ ବାକି

କେଜାଣି କିଏସେ କହିବି ପାରିବ

ଖାଦ୍ୟ ଖାଇ ମାଛ ମାଂସର ଭିଡ଼ିଓ

ଦେଖିବାକୁ ବାନ୍ତି ଆସୁଛି

ଜନଜାତି ମାନେ କଞ୍ଚାମାଂସ ଖାଆନ୍ତି

ଶୁଣିଥିବା ଆତ୍ମନୈପଦୀ ରୂଢିଟିଏ

ବୋଧହୁଏ ସଭ୍ୟ ସମାଜର

କବି କହେ ଅଭିମନ୍ୟୁମାନେ ସେମାନେ

ଗାଳ୍ପିକ କହେ ପ୍ରାରବ୍ଧ କର୍ମ ଫଳ

ଆଉ ପ୍ରାବାନ୍ଧିକ ରାଜନେତା ବୋଲାଇ

ଭୋଟ ମାଗିବାକୁ ଯାଇଛନ୍ତି ସେଇ

ନିଶିଦ୍ଧ ଇଲାକାକୁ ନିଶ୍ଚୟ ।।