ଆଉ ସହି ହେବନି କଷ୍ଟ

ତୁମ ଛଳନାର ରୁଦ୍ଧ କୋଠରି

ହଳାହଳେ ପରିପୂର୍ଣ୍ଣ

କେମିତି ବା ଆମେ ବୁଝି ପରିଥାନ୍ତୁ

ତୁମ ସେ ଜଟିଳ ମନ I

ଆମେ ଛଳନା ବୁଝୁନା

ଆମେ କପଟ ବୁଝୁନା

ଖଟିଖିଆ ମେହେନତି 

ମଣିଷରେ ଆମେ

ତୁମଭଳି କପଟିଆ ନୋହୁଁ ବୋଲି

ଆଜି ଆମେ ତୁମ ଚାଟୁକାର

ପେଟଭୋକ ଛଡା ଆମେ

ଅଧିକା ଟିକିଏ ଆଉ କିଛିବି ବଝୁନା I

ସେଇଥିପାଇଁ ତ ତୁମେ

ନିତି ନିତି ଲୁଟୁଛ ଆମକୁ

ହାଣ୍ଡିଆ ମୁନ୍ଦାଏ ପେଇ

ସକାଳରୁ ସଞ୍ଜଯାଏ ଖଟାଇ ଚାଲିଛ

ଟିକିଏ ହାଲିଆ ହେଲେ

ଚାବୁକର ଭୟ ଦେଖାଉଛ I

କେତେଦିନ ସହିବୁ ବା ଆଉ

କଷ୍ଟ ବଳି ପଡିଲାଣି

ଦେଖୁନ କି?

ଆମ ରାଗ ଜର ଜର ଆଖି

କେଉଁପରି ଜଳେ ଦାଉ ଦାଉ I