ଆଉ ଫେରିବନି ସାଥୀ

ସୂରୁଜ ବୁଡିଲା ସଞ୍ଜ ଲେଉଟିଲା

             ତୁମେ ଲେଉଟିଲ ନାହିଁ

ବିଦାୟ ନେଇକି ମୋର ଠାରୁ ତୁମେ

              ଚାଲିଗଲ କୁହ କାହିଁ।

କେତେ କାହା ପାଶେ ନେହୁରା ହୋଇଲି

            ଠିକଣା ଖୋଜିବା ପାଇଁ

ମୋ ପ୍ରେମର ଏଇ ମୂଲ ଦେଇଗଲ

              ହିନିମାନ କରି ଦେଇ।

ପାହାନ୍ତିଆ ତାରା ହସୁଥିଲା ଦେଖି

              ହସୁଥିଲା ଏଇ ଜହ୍ନ

ସେଇ ମାନେ ପରା ସାକ୍ଷୀ ସାଜିଥିଲେ

            ଆମେ ଦେଇଥିଲେ ମନ।

ନିଦାଘ ଯନ୍ତ୍ରଣା ସହି ହୁଏ ସେବେ

             ବହିଲେ ଦକ୍ଷିଣା ବାଆ

ଛାତି ମୋ ପଥର ହୋଇ ଯାଇଅଛି

              ଲୁହ ଆସେ ନାହିଁ କିଆଁ

 କେଡେ ମୁଁ ପାଗେଳୀ ଜାଣି ପାରୁ ନାହିଁ

             ଫେରିବନି ତୁମେ ଆଉ

ଏରୁଣ୍ଡି ବନ୍ଧରେ ତୁମ ଅପେକ୍ଷାରେ

             ସହେ ମୁଁ ବିରହ ଦାଉ।