ଆଉ ନ ପରଖ
ଆଉ ନ ପରଖ
ମୋ ଜୀବନ ଅନେକ ସମ୍ଭାବନାରେ ,
ଅନେକ ଭବିତବ୍ୟ ପୁଣି ତୁମ ପ୍ରତିଶୃତିରେ ,
ସଦ୍ୟ ପ୍ରସ୍ଫୁଟିତ କଢିଟିଏ ପରି ଅପର୍ଯ୍ୟାପ୍ତ ଆଶା ଆକାଂକ୍ଷାରେ ,
ସିନ୍ଦୁରବର୍ଣ୍ଣା ସୂର୍ଯ୍ୟାଲୋକ ଆଗ୍ରାହ୍ନାର୍ଥେ ଏକ ସୂର୍ଯ୍ୟମୁଖୀ ରୂପରେ । ୧
ନିରାଶା ବିହୀନ ଅପର୍ଯ୍ୟାପ୍ତ ଆଶା ସ୍ୱପ୍ନ ସାଗରେ ,
ଉବୁଡୁବୁ ତୁମ ନୌକା ସାହାରା ଅପେକ୍ଷାରେ ,
ଶୁଷ୍କ ଆଜି ମୁଁ ତୁମ ସମ୍ମୋହନ ତୃଷ୍ଣାରେ ,
ଦଗ୍ଧ ଆଜି ପ୍ରିୟେ ତୁମ ବିରହ ନିଦାଘ ଜ୍ୱାଳାରେ । ୨
ହୁଏ ମୁଁ ଝୁରି ତୁମକୁ ... ,
ହଁ ! କେବଳ ତୁମକୁ ,
ତୁମ ମିଳନର ସେ ଅଲିଭା ତୃପ୍ତିକୁ ,
ସେ ଅପାସୋରା ବାସଭରା ରାତିର ସ୍ମୁତିକୁ । ୩
ମୋ ହୃଦ ଅଗଣାରେ କାଦମ୍ବରୀ ନିଶା ଅନେକ ,
ତୁମ ଆଗମନରେ ହଜିଯିବ ସତେ ପରଖି ଥରେ ଦେଖ ,
ସୁଦୀର୍ଘ ଅପେକ୍ଷାର ପ୍ରାପ୍ତି ମିଠା ଇତି ମନେ ପକାଇ ରଖ ,
କର ଅପେକ୍ଷାର ପୂର୍ଣ୍ଣଛେଦ ପ୍ରିୟକୁ ଆଗକୁ ଆଉ ଯେ ନ ପରଖ । ୪