Library
Profile
ଆଉ ଅଛି କେତେ କଥା
ଆଉ ଅଛି କେତେ କଥା
ବୟସର କୃଷ୍ଣଚୂଡ଼ା ରଙ୍ଗ ତୁମ
ଫନ୍ଦି ନୁହେଁ
ଅୟସର ନନ୍ଦିନୀ ଗୋ ଛନ୍ଦ ତୁମ
ଛାନ୍ଦ କୁହେ
ଦିବସର ଫଲ୍ଗୁ ତୁମେ ରାତ୍ରୀର ଚନ୍ଦ୍ର
ଅମାବାସ୍ୟାରେ କେଣେ ଯାଏ
ରଜନୀର ଚପଳଛନ୍ଦା ଅଙ୍ଗେ ତୁମ
ରଙ୍ଗ ଦିଏ କିଏ
ତୁମ କବରୀବାସ ନୁହେଁ ଜମା ଉପହାସ
ଜହ୍ନ କହେ
କୁଆଁତାରା ରାତିସାରା ଶୋଇରହି
ସକାଳକୁ ଚାହିଁଥାଏ
ସକାଳ ହେଲେ ସୂର୍ଯ୍ୟ ପୂରୁବ ଦିଗ ଚହଟ
ଲାଲିମାରେ ଭରେ କିଏ
କଥା କୁହା ଆଖିଦୁଇ ଜଗନ୍ନାଥ ନାମ
ଭଜୁ ଥାଏ
ଭଜି ଭଜି ତୋ ନାମ ଚକାନୟନ
ସରେନା ଦିନ ରାତି ପାହେ
ବରଷ ଯାଇ ନୂଆବରଷ ଆସୁଛି ଯାଉଛି
କିଏ ଯାଏ କିଏ ରହେ
ପ୍ରକୃତିର ଫୁଲ ଫଳ ନଈ ନାଳ ବିଲ ବଣ
କୁହୁକ ମାଖି ଥାଏ
ହାତଠାରି ଡାକେ କଇଁ ନୀଳପରୀ ଦେଖି
ଋଷି ଥାଏ
ଜହ୍ନ କହେ ଦୋଷ ଅଛି ପ୍ରକୃତିରେ
ତୁ କିଏ ନା ମୁଁ କିଏ
ଧରଣୀ ରାଣୀ କେଵେ କୋଉ ରଙ୍ଗ ଓଢଣା ଟାଣି
କୃଷ୍ଣଚୁଡା ସଙ୍ଗେ କଥା ହୁଏ
ନହୁଲି ଅଳସୀ ସାଧବ ବୋହୂଟା
ବରଷାରେ ଖୋଜା ହୁଏ
ଋତୁ ଯାଇ ଋତୁ ଆସେ କୋଇଲିଟା
କୁହୁ କହେ
ବାପାମାନେ ଭାଗବତ ବୋଉମାନେ
ରାମାୟଣ ପଦେ ଅଧେ ଗାଇଥାଏ
ଜେଜେ ବଙ୍କୁଲି ଧରି ଜେଜେମା କୋଥଳି କାଢି
ମାଳି ଗଡା଼ଇ ଓଁ କହେ
କୁନା ମୁନା ଭାରି ସୁନା ନୂଆବରଷ
ଆସିଛି ବୋଲି ନାନୀସଙ୍ଗେ ମନ୍ଦିର ଯାଏ
