ଆତ୍ମ ଚିନ୍ତନ
ଆତ୍ମ ଚିନ୍ତନ
କାହିଁକି ହେବି ମୁଁ
ଅନ୍ୟଙ୍କ ପରି,
ଯେବେ ଦୁନିଆଁରେ
ମୋ ପରି ନାହିଁ କେହି ।
ଉଡିବାକୁ ଦିଅ ମୋତେ,
ମୁକ୍ତ ଆକାଶରେ
ମୋ ଇଚ୍ଛା ମତେ ।
ପବନରେ ଧୂଳି
ଯାଉ ଯେତେ ଦୂର,
ପବନ ଯେବେ
ଅଟକିଯିବ
ଧୂଳି ଭୁଇଁରେ ପଡିବ ।
ସମୟ କହିବ
କିଏ କେତେ ନିଜର,
ଦୁଃଖ ନୁହଁ ଚିରସ୍ଥାୟୀ
ସୁଖ ବି
କ୍ଷଣ ଭଙ୍ଗୁର ।
ସମୟ ଚାଲିଗଲେ
ଯଦି ସତର୍କ ହେବ,
ଦୁନିଆଁ ଆଗରେ
ମୂର୍ଖ ପାଲଟି ଯିବ ।
ଜରୁରୀ ନୁହଁ
ସବୁ ପସନ୍ଦ
ସମ୍ପର୍କ ପ୍ରେମର,
ବେଳେବେଳେ
ଅଚିହ୍ନା ପାଇଁ ବି
ସ୍ପନ୍ଦିତ ହୁଏ ହୃଦୟ ।
ନିଜେ ନିଜକୁ
ସତର୍କ ରହିବାକୁ ହେବ,
କାହିଁକି ନା
ସାଥି ବି ଦିନେ
ଦୁନିଆଁ ଛାଡି ଚାଲିଯିବ ।