ଆସୁଛି ବସନ୍ତ

ଶୀତ ଯିବାକୁ ହେଲାଣି ଆଗଭର

ଫଗୁଣର ରଙ୍ଗେ ମଳୟର ରଥେ

ଝୁଲି ଝୁଲି ବସନ୍ତ

ଆସିବାର ହେଲାଣି ବେଳ

ମାରିଲାଣି ହାଈ

ଫଗୁଣ ମାସର ସକାଳ

କମି କମି ଆସିଲାଣି ଥଣ୍ଡା ବଳୟ

ଧିରେ ଧିରେ ବହିଲାଣି

ଦକ୍ଷିଣ ମଳୟ

ଘୁମେଇ ପଡିଲାଣି

ଶୀତର ଚୁର୍ଣକୁନ୍ତଳ

ସ୍ୱପ୍ନରେ ଭରିଯିବ

ଗୋଧୁଳିର ଅରୁଣିମା

ତରୁଲତାର ଦେହେ

ମୁରୁକି ହସିବେ କଅଁଳ ପତ୍ର ଫୁଲ

ଆମ୍ରକୁଞ୍ଜେ କୋଇଲି ତୋଳିବ

ରାଗ ବସନ୍ତ ମହ୍ଲାର

ଧରଣୀ ରାଣୀ ସଜାଇବ ଗଭାରେ

ପେନ୍ଥା ପେନ୍ଥା ସୁବାସିତ ବଉଳ

ବନେ ଉପବନେ ଫୁଟିବ

କେତେ ଜାତି ଫୁଲ

ଶୋରିଷ କ୍ଷେତରେ ଲହଡ଼ି ମାରିବ

ସୁନାର ଢେଉ

ଫୁଲେ ଫୁଲେ ଶୁଭିବ

ଭ୍ରମର ଗୁଞ୍ଜନ

ନବ ବଧୁ ମନେ ଭରିଯିବ

ପ୍ରୀତିର ପରସ

ନବ ବଧୁ ହୋଇ ବିଭୋର

ବ୍ୟସ୍ତ ସନ୍ଧ୍ୟାର କାକଳିରେ

ପ୍ରିୟତମ କୁ ଲେଖିବ ଚିଠି

କୃଷ୍ଣଚୁଡାର ଫୁଲ ପାଖୁଡାରେ