ଆସିଗଲା ଦେଖ ଶୀତ

ଆସିଲାଣି ଧୀର ପାଦେ ଧରା ବକ୍ଷେ ଶୀତ

ପାଛୋଟି ଆଣ ହେ ମୋର ସାଥୀ ସଙ୍ଗାତ ।

ନାନାଫୁଲ ଚାଙ୍ଗୁଡ଼ିରେ ଭରିଯିବ ଧରିତ୍ରୀ

ସୁନ୍ଦର ଏ ଶୀତଦିନ ଋତୁ ରାଣୀ ଯେମିତି ।

ରଙ୍ଗ ବେରଙ୍ଗର ବସ୍ତ୍ର ପରିଧାନ କରନ୍ତି

ଚମତ୍କାର ଶୋଭା ବୃଦ୍ଧି ଆନନ୍ଦିତ ଜଗତୀ।

ଦିବସ ରଜନୀ ଦିଶେ ସତେ କେତେ ସୁନ୍ଦର

ଅନେକ ପର୍ବ-ପର୍ବାଣୀ ପାଳେ ଏଇ ସଂସାର ।

ସୂର୍ଯ୍ୟ ଚନ୍ଦ୍ର ଆତଯାତ ବଦଳେ ଏ ଋତୁରେ

ବିମୋହିତ ହୁଏ ପ୍ରାଣ ଭାବଭରେ ଅନ୍ତରେ ।

ଗରିବ-ଗୁରୁବା ଡର ଥାଏ ମାଘ ଜାଡକୁ

ସମସ୍ତଙ୍କ ସହାୟତା ଖୁସି ଦେବ ସଭିଙ୍କୁ ।

ସବୁ ଋତୁ ଘୁରୁଥାଉ ଋତୁଚକ୍ର ଚକ୍ରିରେ

ମାନବ ଜୀବନ ଉପକୃତ ହେଉ ପ୍ରକୃତିରେ ।।