ଆସିଛି ବିପତ୍ତି
ଆସିଛି ବିପତ୍ତି
ଆସିଛି ବିପତ୍ତି ଦେଖାଏ ଶକତି
ମୃତ୍ୟୁ ବିଭୀଷିକା ଖେଳି
ନିଷ୍ଠୁର ନିୟତି ଭରିଅଛି ଭୀତି
ଆତଙ୍କରେ ଦିଏ ଜାଳି ।
ଧନୀ କି ଗରିବ ଜନତା ସରବ
ହେଉଛନ୍ତି ଖାଲି ଭାଳି
ଜୀବନ ପଥରେ ଆସିଛି ସଙ୍କଟ
କେମିତିକା ହେବ ଟାଳି ।
ସଚେତନ ହୋଇ କରମ କରିବା
ପଡିବନି ଆମ ପାଳି
ଦୁଃଖରେ ଅଧିର ହେବାନାହିଁ ଆମେ
ଅଜ୍ଞାନତା ନୀଡ଼ ତୋଳି ।
ସ୍ୱଚ୍ଛତା ବଳରେ ବିପଦ ହାରିବ
ହୋଇବାନି ଆମେ ମେଳି
ଦୂରତ୍ୱ ରଖିଲେ ସଙ୍କଟ ହଟିବ
ଶୁଭଫଳ ହେବ ଢାଳି ।
ବିପଦେ ଆମର ସାହା ଯେଉଁ ଜନ
ସେବାରଙ୍ଗ ଦେହେ ବୋଳି
ସ୍ୱଚ୍ଛ ହୃଦୟରେ ତାଙ୍କ ତ୍ୟାଗ ପାଇଁ
ଦେଉଥିବା କରତାଳି ।