ଆସିଛି ଅଗଷ୍ଟ ପନ୍ଦର

ଆସିଛି ଅଗଷ୍ଟ ପନ୍ଦର

ଶିବପ୍ରସାଦ ସାହୁ

ଆସିଛି ଅଗଷ୍ଟ ପନ୍ଦର ,

ସ୍ଵାଧୀନ ଦିବସ ଆମର

ସଭିଙ୍କୁ କହଇ ସତ୍ୟ ଶାନ୍ତି ମୈତ୍ରୀ ,

ପ୍ରଗତିର କଥା ଦେଶର।

ସହି ସହି କେତେ କଷଣ ,

କେତେ ଯେ ପୁରୁଷ ମହାନ

ବିଦେଶୀମାନଙ୍କ ସାଙ୍ଗେ ଲଢ଼ି ଲଢ଼ି ,

ଦେଶକୁ କରିଲେ ସ୍ଵାଧୀନ।

ଗାନ୍ଧିଜୀ ନେହେରୁ ଲାଲାଜୀ ,

ବଲ୍ଲଭ ରାଜେନ୍ଦ୍ର ଶାସ୍ତ୍ରୀଜୀ ,

କାଳ କାଳକୁ ତ ଅମର ହୋଇଲେ

ଗୋପବନ୍ଧୁ ଆଉ ନେତାଜୀ ।

ଆହୁରି ଯେ ବୀର ଅନେକ ,

ସାଜିଲେ ସଂଗ୍ରାମୀ ସୈନିକ ,

ତାଙ୍କ ବୀର କଥା ସରିବନି ଏଠି

ଚିର ନମସ୍ୟ ସେ ପ୍ରତ୍ୟେକ ।

ଆମର ଜାତୀୟ ପତାକା

ବଢ଼ାଏ ଦେଶର ଏକତା

ଫରଫର ଉଡ଼ି ସଭିଙ୍କ କାନରେ ,

କହେ ସଂହତିର ବାରତା ।

ଜନଗଣମନ ସଙ୍ଗୀତ

କହେ ଦେଶ ଆମ ଭାରତ

ଦେଶର ଏକତା ରକ୍ଷା କରିବାକୁ ,

ଆଜି ନେବା ଆସ ଶପଥ ।