ଆସିବ କି
ଆସିବ କି
ନିଦାଘ ରୁଦ୍ର ତାପ ଭରା ମରୁଭୂମେ
ଶୁଖିଲା ହୃଦ ମାଟି କୋଣ ଅନୁକୋଣେ
ଚିରହରିତ ଶସ୍ୟଶ୍ୟାମଳା ସବୁଜିମା
ବରଷା ସାଥିରେ ନେଇ
ଆସିବ କି ।
ଅବିର ରଙ୍ଗେ ମୀନ ଭ୍ରମଣ
ଚତୁର୍ପାଶ୍ୱ ପ୍ରୀତିର ଢେଉ ନାଚିବାକୁ
ହାତରେ ସୁନେଲି ରଙ୍ଗ
ପ୍ରେମ ପାଖୁଡା ନେଇ
ଆସିବ କି ।
ତିକ୍ତତା ଭରା ନିରାଶା ଜୀବନେ
ମଧୁଲଗନେ ମଧୁମୟ ପରଶ
ଅସୁମାରି ସପନ ନେଇ
କୋମଳ ସାତରଙ୍ଗ ପ୍ରଜାପତି ହୋଇ
ରୂପବର୍ଣ୍ଣା ସମ୍ମୋହନରେ
ଆସିବ କି ।
ସ୍ୱପ୍ନିଳ ଶବ୍ଦ ମାନଙ୍କୁ ସଜାଡି
ବାସ୍ତବିକ ଲେପ ହାତେ ଦେଇ
ମନ କୋଠରୀ ର ପ୍ରତି କୋଣରେ
ଧାଵମାନ ଅସହାୟ କଳ୍ପନା ଭିତରେ
ଅପୂର୍ଵ ପ୍ରିୟତମା ହୋଇ
ଆସିବ କି ।
ନିଶବ୍ଦ ରାତିର ରମଣୀ ସାଜି
ଅମାନିଆ ଚାହାଣିରେ
ମୋ ଜୀବନ ସଳିତା
କିଛି ମିଠା ମିଠା ସ୍ମୁତି ପାଛୋଟି
ଲାଳାୟିତ ସପ୍ନ ର ଜନ୍ମ ନେଇ
ଏକ ସୂତ୍ରେ ଜୀବନ ବାନ୍ଧିବାକୁ
ଆସିବ କି ।
ନବୀନ ହରଷ ବାରତା ବହି
ପଙ୍କରେ ପଦ୍ମ ଯେପରି
ମୟୁର ନୃତ୍ୟ କଳାମେଘେ
ହାସ୍ୟମୟୀ ତରୁଣୀ ରୂପବତୀ
ମୋର ଭଗ୍ନ ହୃଦୟରେ
ଆସିବ କି ।
ନିଶାଚର ଜୁଳୁଜୁଳିଆ କୀଟ ସମ
କ୍ଷୁଦ୍ର ଦୀପଶିଖା ଧରି
ଆଶାର ଇନ୍ଧନ ନେଇ
ଜୀବନେ କ୍ଷଣିକ ପାଇଁ
ଆଲୁଅ ର ଛାଇ ହୋଇ
ଆସିବ କି ।
ଅପେକ୍ଷା ରେ ରହିଲି
ସତରେ ଆସିବ କି ।