ଆଶାର ଆକାଶ

ଆଜି କାହିଁ ଏ ପୃଥିବୀଟା 

      ପୁଣି ଲାଗେ ନିଜର ନିଜର

କାମିନୀ କାଞ୍ଚନରେ ଭରା

      ପ୍ରେମର ଅସରନ୍ତି ଫୁଆର ,

ସ୍ୱପ୍ନ ପ୍ରବଣ ହୃଦୟ ମୋ

      ଉଲ୍ଲସିତ ପ୍ରେମର ସ୍ମୃତିରେ

ହଜିବାକୁ ଚାହେଁ ଏବେବି

     ସାଥୀ ତମ ବାହୁ ବନ୍ଧନରେ,

କେମିତି ସେ ସକାଳ ଥିଲା

     ଆକାଶର ଝରା ଆଲୁଅରେ

ପାହାନ୍ତି ସୂରଜ ସ୍ପର୍ଶ ରେ

      ସମୟର ନୀଳ ଦରିଆରେ ,

ଅଳସ ଭାଙ୍ଗୁଛି ସବୁ ସ୍ମୃତି

       ଦରଗଢା ସ୍ୱପ୍ନର ସହରେ

କଳ୍ପନାର ସେ ଫାଳେ ଜହ୍ନ

 ‌   ରହିଛି ମୋ ହାତ ପାପୁଲିରେ ,

ଇଚ୍ଛା ହୁଏ ଫଗୁଣର ଏ

    ରଙ୍ଗ ତକ ଦୂରେ ଫିଙ୍ଗି ଦେଇ

ତମ ରଙ୍ଗେ ରଙ୍ଗି ଯାନ୍ତି ମୁଁ

    ପ୍ରିୟତମା ସାତ ଜନ୍ମ ପାଇଁ .... ।