ଆସ ସାଉଁଟିବା ଟିକେ ଆଶିଷ
ଆସ ସାଉଁଟିବା ଟିକେ ଆଶିଷ
ପିତାମାତା ଗୁରୁ ଗୁରୁଜନଠାରୁ
ଆସ ସାଉଁଟିବା ଟିକେ ଆଶିଷ
ସୁଧା ବର୍ଷୁଥିବ ଜୀବନ ପଥରେ
ରହିବନି ଦୁଃଖ କ୍ଳେଶର ଲେଶ ।
ସେମନେ ଆମର ଜୀବନ୍ତ ଦେବତା
ଭକ୍ତି କରୁଥିବା ତୁଣ୍ଡ କର୍ମରେ
ଶ୍ରଦ୍ଧା-ସନମାନ-ସୁମନ ଅରପି
ଭରିବା ହୃଦୟ ଅତି ଆଦରେ ।
ତାଙ୍କ ନୀତି ବାକ୍ୟ ହିତ ଉପଦେଶ
ମୂଳ କରିଥିବା ଆମ ଜୀବନେ
ସୁପଥକୁ ମାଡ଼ି ଯାଉଥିବା ବଢ଼ି
ଶୋଚନା ନଥିବ ଟିକେ ବି ମନେ ।
ଆଦର୍ଶ ଚରିତ୍ର ଗଠନ ପାଇଁକି
ଭଗବାନ ରୂପେ ସାକ୍ଷାତ ଉଭା
ତାଙ୍କ ଆଜ୍ଞା ବଳେ ପ୍ରକାଶି ପାରିବା
ନିଶ୍ଚୟ ପ୍ରତ୍ୟେକ ନିଜର ଆଭା ।
ତାଙ୍କ ସ୍ବଚ୍ଛ ମନେ ଦେବା ନାହିଁ କଷ୍ଟ
ଭରି ରଖିଥିବା ସଦା ସନ୍ତୋଷ
ସେଥିରୁ ଆମେ ବି କରି ଟିକେ ପାନ
ରହୁଥିବା ନିତି ହୋଇ ହରଷ ।