ଆସ ହେ ସୂର୍ଯ୍ୟ ଉଇଁ

ଦିବ୍ୟ ସୁଷମାର ଅରୁଣିମା ବୁଣି

ଆସ ହେ ସୂର୍ଯ୍ୟ ଉଇଁ

ଭରି ଯାଉ ପ୍ରାଣେ ନବ ଉନ୍ମାଦନା

ଭବ୍ୟ ଏ ଭୂମି ଛୁଇଁ l

ପ୍ରଶମିତ ହେଉ ଦୁଃଖ ଯନ୍ତ୍ରଣା

ପ୍ରାଣେ ପ୍ରାଣେ ଭରି ଖୁସି

ପ୍ରତିଟି ଅନ୍ତରେ ଓଁକାର ଶୁଭୁ

ପରମାତ୍ମା ସଙ୍ଗେ ମିଶି l

ଚିନ୍ତା ଚେତନାରେ ଊର୍ଦ୍ଧ୍ଵମୁଖୀ ହେଉ

ଦେଶସେଵା ଜାତିକଥା

ମରଣ ଦୁଆରେ ମଡ଼ା ବି ଗାଇବ

ବନ୍ଦେ ଭାରତମାତା ।

ଶତ ଉନ୍ମୁଖ ହେଉ ଏ ପ୍ରତ୍ୟୁଷ

ଉଦୟ ତପନ ସମ

କର୍ତ୍ତବ୍ୟ ଆହ୍ୱାନେ ଆଳସ୍ୟକୁ ତେଜି

କରିଯିବା ସତ କର୍ମ l

କର୍ମହିଁ ପ୍ରଗତି ଚିରନ୍ତନ ସାଥୀ

ଗତି ମୁକ୍ତିର ଧାରା

କର୍ମ ବିନା ଏଠି କିଏବା ଲଭିଛି

ଶାନ୍ତି ଏ ବିଶ୍ୱ ସାରା l