ଆସ ବାପୁ ଫେରି ତୁମେ
ଆସ ବାପୁ ଫେରି ତୁମେ
ଆସ ବାପୁ ଦେଖି ତମେ
ତମର୍ ରାମ୍ ରାଏଜ୍,
ଦେଖିଥିଲ ଯେନ୍ ସପନ୍
ସବୁ ହଯିଗଲାନ ଆଏଜ୍ ।
ଜାହି ଦେଖବ୍ ରକତ୍ ଖେଲ୍
ନାଇନ ଆଉ ଭାଇର୍ ମେଲ୍,
ତମେ ଯେନ୍ ଦେଖିଥିଲ ସପନ୍
ଭାଙ୍ଗି ଯାଉଛେ ସେ ଦରପନ୍ ।
ଟୁକେଲ୍ ଆଏଜ୍ ଚିତ୍କାର୍ କରୁଛେ
ମତେ ବଚ୍ ବଚ୍ କହି,
ରାବଣ ଆଜି ବହୁତ୍ ହେଇଗଲେନ
ରାମ୍ ନାଇଁ ହେବାର୍ କେହି ।
ବଲତ୍କାର୍,ଗଣ ଦୁଷ୍କର୍ମ
ଦିନ୍ କେ ଦିନ୍ ଯାଉଛେ ବଢି,
ରାମ୍ ରାଏଜ୍ ତମର୍ ଦେଖି ଆସ
ନାରୀ ନାଇଁ ପାରବାର୍ ଗୋଡ୍ କାଢି ।
ଆସ ବାପୁ ତମେ ଆର୍ ଥରେ
ରାମ୍ ରାଏଜ୍ ଦିଅ ଗଢି,
ଯାହା ଅଛନ୍ ଇନ ଇଂରେଜ୍ ମାନେ(ପାପି ମାନେ)
ତାହାକୁ ଦିଅ ଘଉଡି ।
ଆସ ବାପୁ ଆସ କରୁଛୁ ଗୁହାରୀ
ଆର୍'ଥରେ ଜନମ୍ ନେଇ କରି,
ତମର୍ ରାମ୍ ରାଏଜ୍ ଆଧା ଅଛେ
ପୁରା କରିଦିଅ ଆସି କରି ।