Library
Profile
ଆମର ମରୁନି ଭୋଟ ଭୋକ
ଆମର ମରୁନି ଭୋଟ ଭୋକ
କଲବଲ ପଛେ
ହୁଅନ୍ତୁ ଲୋକ
ଆମର (ନେତାମାନଙ୍କର)
ମରୁନି ଭୋଟ ଭୋକ ।
କରୋନା ମାରୁଛି
ଆମରି ଲୋକ
ନେତାଏ ଭାବନ୍ତି
ଆମ ଲୋକଙ୍କୁ
ମାଛି କି ପୋକ
ଏ ଯାଏଁ ସରୁନି
ନିର୍ବାଚନର ଭୋକ
ମଗା ସରିନାହିଁ
ଭୋଟ ଭିକ
ଆମର (ନେତାଙ୍କର)
ମରୁନି ଭୋଟ ଭୋକ ।
ଶ୍ମଶାନରେ ଆଉ
ଜାଗା ମିଳୁନି
ଡ଼ାକ୍ତରଖାନାରେ
ରୋଗୀକୁ ଖଟିଆ ମିଳୁନି
ଅମ୍ଳଜାନ ଅଭାବେ
ରୋଗୀ ମରୁଛି
ନେତାଏ କହୁଛନ୍ତି
ଆମ ଦେଶ ବିକାଶ କରୁଛି ।
ବାଃ ବାଃ ବାଃ ବାଃ
ଆମ ଶାସନ
ବିକାଶ ନାଁରେ
ଖାଲି ନାରାବାଜି
ଖାଲି ଶୋଷଣ
ଜନତାଙ୍କୁ ନେତାଏ
ଦିନରେ ଦେଖାଉଛନ୍ତି ଲଣ୍ଠନ ।
ଜନତା ବାପୁଡା
ସାଜି ଭକୁଆ
ନେତାଙ୍କ ପଛେ
ଧାଆଁନ୍ତି ହୋଇଣ ବେହିଆ
ଅହରହ ଜନତା
ଅନାହାର, ଅର୍ଦ୍ଧାହାର,
ରୋଗ, ଶୋକ ଓ
ଆତ୍ମହତ୍ୟା କରି ମରନ୍ତି
ନେତାମାନେ
କ୍ଷମତା ଗାଦିରେ ବସି
ଅୟସ କରନ୍ତି ।
ଆସିବ ଯେତେ
ବିପଦ ଓ ବିପର୍ଯ୍ୟୟ
ନେତାଙ୍କ ମନେ ବଢେ
ସେତେ ଉତ୍ସାହ
ଜନତାର ଯେବେ ସରବନାଶ
ନେତାଙ୍କର ପରା ପଉଷ ମାସ
ଏହା ଆମ ଦେଶର
ରାଜନୀତିର ଚାଷ
ଚାଷୀ ମରଇ
ଛାଡି ତା' ଚାଷ
ଶ୍ରମିକ ମରେ
ଛାଡି ତା ବାସ ।
ରୋଗରେ ପୀଡିତ
ଜନତା ହୁଏ
ନେତାଙ୍କର କ'ଣ
କିଛି ଆସେ କି ଯାଏ
ସାଧାରଣ ଜନ
ଭୋଗଇ କଷ୍ଟ
ପୋଲିସ୍ ଲାଠିରେ
ବୁଦ୍ଧି ହୁଏ ତା' ଭ୍ରଷ୍ଟ
ନେତାଏ କରିବେ
ନିର୍ବାଚନୀ ସଭା ଓ ରାଲି
କ୍ଷମତା ପାଇଲେ
ହୋଇବେ ନାଲି
ନିର୍ବାଚନ ବେଳେ କହିବେ
ଜନତା ଜନାର୍ଦ୍ଦନ
ନିର୍ବାଚନ ପରେ
ସାଜିବେ ନେତାଏ ଜନାର୍ଦ୍ଦନ
ଜନତା ହୋଇବେ ପତିତ ଜନ
ବାଃ ବାଃ ବାଃ ଶାସନ
ବାଃ ବାଃ ବାଃ ରେ
ଆମ ଗଣତନ୍ତ୍ରକୁ ଧନ୍ୟ ।
ଭୋଟ୍ ପାଇଁ ବିକଳ ହେବୁ
କ୍ଷମତା ପାଇଁ ରାଲି କରିବୁ
ବିଚରା ମରୁଛି ଏବେ
ସାଧାରଣ ଲୋକ
କରୋନା ରଚାଏ
ପୁଣି ଆତଙ୍କ ।
କରୋନା ପାଇଁ
ଯଦି ପରୀକ୍ଷା ବନ୍ଦ୍, ସ୍କୁଲ୍,
କଲେଜ୍ ବନ୍ଦ୍ ଓ ଧର୍ମାନୁଷ୍ଠାନ ବନ୍ଦ୍
ତେବେ କିଆଁ ନିର୍ବାଚନ
ନ କଲ ବନ୍ଦ୍
ଗଣତନ୍ତ୍ର କ'ଣ
ଖାଲି ନେତାଙ୍କ ପାଇଁ
ଜନତା ଯେଉଁଠି ମରେ
ଡହଳ ବିକଳ ହୋଇ ?
ମିଥ୍ୟା ପ୍ରତିଶ୍ରୁତି
ମିଥ୍ୟା ଭାଷଣବାଜିରେ
ମେଣ୍ଟେନି ଜନତାଙ୍କ
ଦୁଃଖ, ଶୋକ ଓ ଭୋକ ।
