Library
Profile
ଆମପରି କେହି ନୁହଁ –ଡକ୍ଟର କୃତ୍ତିବାସ ନାୟକ
ଆମପରି କେହି ନୁହଁ –ଡକ୍ଟର କୃତ୍ତିବାସ ନାୟକ
ଆମ ମାଆ ପରି ଆଉଜଣେ କେହି ଅଛନ୍ତି କି ସ୍ନେହମୟୀ ?
ଆମ ରାଜ୍ୟ ପରି ଆଉ କେଉଁ ରାଜ୍ୟ ସଂସାର ଭିତରେ ନାହିଁ |
ଆମ ଭାଷା ପରି ଏତେ ମିଠା ଭାଷା କେଉଁ ଭାଷା ହେବ କୁହ,
ଆମ ମନ କଥା ଖୋଲି କହିପାରେ ଯେଉଁ ପାଠ ଦେବ ଦିଅ |
ଆମ ଜାତି ପରି ଆଉ କେଉଁ ଜାତି ସହିଛି କଷଣ ଏତେ,
ଆମରି ଠାକୁର ପରି କେ ଉଦାର ହୋଇପାରିବ କି ସତେ ?
ଆମ ପରିବାର ସୁଖର ସଂସାର ମିଳିମିଶି ଆମେ ଖାଉ,
ଆମ ଗଛ-ଲତା ହୁଅନ୍ତି ଦେବତା ତାଙ୍କ ସଙ୍ଗେ କଥା ହେଉ |
ଆମ ଗାଈ ମାତା, ବ
ାଘ ହୁଏ ମାମୁ ବିଲୁଆ ପିଲାଙ୍କ ନନା,
ଆମରି ବିଲେଇ ନାନୀ ହୁଏ ପୁଣି ଅଜାଭାବେ ହାତୀ ଜଣା |
ଆମ ନାଚ-ଗୀତ ଜଗତେ ବିଖ୍ୟାତ ମଧୁର ରାଗରେ ବନ୍ଧା,
ଆମର ସଂସ୍କୃତି ପୂଜା ରୀତି-ନୀତି ପ୍ରକୃତି ସହିତ ଛନ୍ଦା |
ଆମେ ଦେଖିପାରୁ ସବୁଠି ଈଶ୍ଵର ନାରାୟଣ ଘଟେ ଘଟେ,
ଆମେ ବୁଝିପାରୁ ସଭିଏଁ ସମାନ ସବୁଧର୍ମ ଏକା ଅଟେ |
ଆମ ମୁନି-ଋଷି ସାଧୁ ସନ୍ଥ ତ୍ୟାଗୀ କହିଛନ୍ତି ଯେଉଁ ବାଣୀ,
ଆମେ ଧନ୍ୟ ହେଉ ସୁଖ-ଶାନ୍ତି ପାଉଁ ସେ ପୁରାଣ ଶାସ୍ତ୍ର ଶୁଣି |
