ଆମେ ସ୍ବାଧୀନ

ଦେଶ ପାଳେ ସ୍ବାଧୀନତା ଦିବସ ,

ବର୍ଷ ପରେ ବର୍ଷ ଯାଏ ବିତି ,

ଇତିହାସ ପୃଷ୍ଠାରେ ଆଜି ହୋଇଯାଏ କାଲି ,

ସ୍ବର୍ଣ୍ଣିମ ଅକ୍ଷରେ ରହିଯାଏ ଅତୀତ ଗୀତି ।

କିନ୍ତୁ ସତରେ କି ଆମେ ସ୍ବାଧୀନ ?

ମନ ପ୍ରଶ୍ନ କରେ ନିଜକୁ ।

ସତେ କଣ ମୁଁ ପାଇଛି ସବୁ ଅଧିକାର

ବିବେକ ରୁ ଭାସିଆସେ ପ୍ରଶ୍ନ ଗୁଚ୍ଛ ।

ଯଦି ଆମେ ସ୍ବାଧୀନ ମତ ବ୍ୟକ୍ତ

କାହିଁକି କରି ହୁଏନା ?

ବାହୁବଳର ତରବାରୀର 

କାହିଁକି କଟାଯାଏ ନିରୀହର ବେକକୁ ?

ଯଦି ଆମେ ସ୍ବାଧୀନ 

ତେବେ ଝିଅଟେ କାହିଁକି ଚାଲି ପାରେନା ଏକା ।

କେବେ ବସ୍ତ୍ର କେବେ ଚାଲିକୁ 

କରି ଆକ୍ଷେପ ଲୋଟି ନିଆଯାଏ ତା'ର କୁମାରିତ୍ବ ।

ଯଦି ଆମେ ସ୍ବାଧୀନ 

ତେବେ କାହିଁକି ଶୋଷିତ ହୁଏ 

ନଥିଲାବାଲା ଟି ଥିଲାବାଲା ହାତରେ ।

ତଥାପି ମୁଖ ଖୋଲି ପାରେନା କାହିଁକି ?

 

କେମିତି କହିବି ମୁଁ ସ୍ବାଧୀନ ...

କେମିତି କହିବି ଦେଶ ସ୍ବାଧୀନ 

 ଏବଂ ଦେଶବାସୀ ସ୍ବାଧୀନ ।

ଏଇଠି ତ ଖାଲି ପତାକା 

ଉଡୁଛି ସ୍ବେଚ୍ଛାଚାରିତା ର ,

 ନୃଶଂସତାର ହିଂସୁକ ମନୋଭାବର ,

ପାଶବିକ ଚିନ୍ତାଧାରା ର ।

କେମିତି କହିବି ମୁଁ ସ୍ବାଧୀନ....?