ലൈബ്രറി
പ്രൊഫൈൽ
ଆମେ ଭାରତୀୟ
ଆମେ ଭାରତୀୟ
କୋଟି କୋଟି ଜନ ଭାରତ ବର୍ଷରେ
ବାସ କରୁଛନ୍ତି ମୁକ୍ତ ଭାବରେ
ଭିନ୍ନ ଭିନ୍ନ ଭାଷା ଭିନ୍ନ ରାଇଜରେ
ବିଦ୍ୱେଷ ଭାବନା ନାହିଁ ମନରେ
ରାଷ୍ଟ୍ରଭାଷା ହିନ୍ଦୀ ସବୁଠୁ ମଧୁର
ସଭିଙ୍କୁ ବାନ୍ଧିଛି ଏକତା ଡୋରେ
ଦେଶ ଭିତରରେ ଯେଉଁ ରାଜ୍ୟ ଯିବା
ସହଜ ହୁଅଇ କଥାବାର୍ତ୍ତାରେ
ଅନେକ ଧର୍ମର ଲୋକଙ୍କ ବିଶ୍ୱାସ
ଅତୁଟ ରହିଛି ଭକ୍ତି ଭାବରେ
ମନ୍ଦିର ମସଜିଦ ଗୀର୍ଜା ଗୁରୁଦ୍ୱାର
ରହିଛି ଏକତ୍ର ଦେଶ ମଧ୍ୟରେ
ସଭିଏଁ ନିଜର ଧରମ ମାନନ୍ତି
ପାଳନ୍ତି ପରବ ବିନା ବାଧାରେ
ଆକ୍ଷେପ ଆକ୍ରୋଶ ମନରେ ନରଖି
ସମ୍ମାନ କରନ୍ତି ସ୍ୱଚ୍ଛ ହୃଦରେ
ଜଳବାୟୁ ଭିନ୍ନ ଭୁମିରୂପ ଭିନ୍ନ
ଭିନ୍ନତା ରହିଛି ବେଶଭୂଷାରେ
ଖାଦ୍ୟରେ ଭିନ୍ନତା ପୋଷାକ ଅଲଗା
ଆଦରି ନିଅନ୍ତି ନିଜ ଇଚ୍ଛାରେ
ମିଳିମିଶି ସର୍ବେ ଏକତ୍ର ଚଳୁଛୁ
ବିଶାଳ ଅଖଣ୍ଡ ଆମ ଦେଶରେ
ଅନ୍ୟର ବିପଦେ ସାହାଯ୍ୟ କରୁଛୁ
ଭାଗ ନେଉଅଛୁ ସୁଖ ଦୁଃଖରେ
ଦେଶର ଉନ୍ନତି କାମନା ଆମର
ଦେଶପ୍ରୀତି ଗୀତ ଗାଉ ତୁଣ୍ଡରେ
ବିଦେଶରେ ଆମେ ଭାରତୀୟ ବୋଲି
ପରିଚୟ ଦେଉ ସର୍ବେ ଗର୍ବରେ
