ଆମ ସମ୍ପର୍କର ଘର
ଆମ ସମ୍ପର୍କର ଘର
କ୍ଷୀଣଶବ୍ଦରେ
କିଛି ଗୋଟିଏ ଭାଙ୍ଗିଲା
ଭଳି ଲାଗୁଛି
ବୋଧେ
ଘରଟିଏ
କିନ୍ତୁ
ସମସ୍ତେ କହୁନ୍ତି
ତାକୁ
ସମ୍ପର୍କର ଘର-----(୧)
ଇଟା ପଥର ବାଲି ସିମେଣ୍ଟ ବଦଳରେ
ତିଆରି ହୋଇଛି
କାଚରେ---------(୨)
ଦୃଶ୍ୟାନ୍ତ୍ରରେ
ରାସ୍ତାକଡରେ ଗଦା ହୋଇଛି
ବିତୃଷ୍ନା,ରାଗ,ଅଭିମାନ
ପରଶ୍ରୀକାତରତା, ବିଫଳତା, ଅସହିଷ୍ଣୁତାର ଟ୍ରକ ଭରି
କଂକ୍ରିଟ,ଗୋଡି,ପଥର,
ରାସ୍ତାରେ ଚାଲୁଥିବା
ସବୁ ବାଟୋଇ
କିନ୍ତୁ
ପଙ୍ଗୁ,ଅଥର୍ବ,
ଅବା ତାଙ୍କୁ କହିପାର
ଭିନ୍ନକ୍ଷମ--------(୩)
କାହାରି ନାହିଁ
ହାତ ଗୋଡ଼
ସଭିଙ୍କର ମସ୍ତିସ୍କରେ ଗୋଟିଏ ପ୍ରଶ୍ନ
ଭାଙ୍ଗି ଯିବାକୁ ଥିବା ସବୁ ସମ୍ପର୍କର ଘର ଗୁଡିକୁ ମରାମତି କରିବ
କିଏ ?
କେତେବେଳେ
ପହଲି ବର୍ଷାରେ ଯେ
ସବୁ ପଥିକଙ୍କ ଦେହରେ ଲାଗିଯିବ
ହାତଗୋଡ଼
ଆଉ
ଢୋ ଢୋ ବର୍ଷା ହେବ
ପଥର
ସବୁ କାଚ ଘର ଭାଙ୍ଗି ଯିବ
ତା ପରେ କଣ ?
ପୃଥିବୀରୁ -ମଣିଷ ବୋଲାଉ ଥିବା
ଜୀବଟିର
କଣ ? ମୂଳପୋଛ ହୋଇଯିବ
ବେଶ
ଭଲ ହୋଇଥାନ୍ତା ନି
ଶୁଖିଲାଥୁଣ୍ଠା ଗଛଡାଳରେ
ପୁଣିଥରେ
ପଲ୍ଲବୀତ ହୋଇଥାନ୍ତା
ଯଦି
ଜୀବନ,
ଆମ ଘର ଗୁଡିକ ନ ଭାଙ୍ଗି
ରହି ଯାଆନ୍ତା ନି
ଆଉ
କିଛି ବର୍ଷ,ମାସ,ଦିନ,ଦଣ୍ଡ--(୪)
ଶୁନ୍ୟବାଣୀ
ଆକାଶରୁ ଝରି ପଡୁଛି
ବିବେକ ନାମକ ଆତ୍ତୁର୍
କଣ୍ଠରୁ
ଭାଙ୍ଗୁ
କିନ୍ତୁ
ଭୂଷିଡି ନ ପଡୁ
ଯେତେସବୁ
ଆମ ସମ୍ପର୍କରଘର ।-(ଶେଷ)