ଆମ ଓଡ଼ିଶା

ସତ୍ୟ ସାଧନାର ଦୀକ୍ଷା ଧର୍ମର

               ଆମର ଏହି ଓଡିଶା

ଆମେ ଅଟୁ ଭାଇ ସ୍ୱାଭିମାନ ଶିଖା

           ହେବାନି କେବେ ନିରାଶା ।

ଯାହାର ବକ୍ଷରେ ବହୁଅଛି ସଦା 

             ସ୍ରୋତସିନୀ ମହାନଦୀ

ଶସ୍ୟ ଶ୍ୟାମଳାରେ ଭରି ଅଛି ଏହି

            ବୋହି ଚାଲେ ବକ୍ଷ ଭେଦି ।

ଜଗନ୍ନାଥ ଧାମ ପୃଥିବୀ ବିଖ୍ୟାତ

            ଶ୍ରୀକ୍ଷେତ୍ର ନାମରେ ଖ୍ୟାତ

ଚନ୍ଦ୍ରଭାଗା କୂଳେ ସୂର୍ଯ୍ୟ ମନ୍ଦିର

            କାରୁକାର୍ଯ୍ୟରେ ବିଖ୍ୟାତ ।

ମାଆ ସମ୍ବଲାଇ ସମ୍ବଲପୁରରେ

            ଯାଜପୁରେ ମାଆ ବିରଜା

ନୀଳଗିରି ଧାମେ ଜୟ ଜଗନ୍ନାଥ

              ରାଜପୁରୀ ମହାରାଜା ।

ଧାମରା ବନ୍ଦର ଇରମର ସ୍ତମ୍ବ

              ଆରଡିରେ ବାବାମଣି

କେଉଁଝର ପୀଠ ମା’ ତାରିଣୀର

            ଅଟେ ସେ ନଡ଼ିଆ ରାଣୀ ।

ବାରିପଦା କୀର୍ତ୍ତି ତିନିରଥେ ଉଭା

             ଜଗା ବଳିଆ ସୁଭଦ୍ରା ମା’

ଜାହାଜର ଭେଳା ଲାଗିଥାଏ ସଦା

              ପାରାଦୀପର ସୁଷମା ।

ବ୍ରହ୍ମପୁରରେ ତାରା ତାରିଣୀ ସେ

             କରୁଣାମୟୀ ସେ ଆମ

ବଡ ଡାକ୍ତରଖାନା ଉଚ୍ଚ ନ୍ୟାୟାଳୟ

             କଟକ ସହରରୟେ ରମ୍ୟ ।

ରହି ଅଛି କେତେ କିରତି ଅତୀତ

                 ଆମ ଏହି ଓଡ଼ିଶାର

 ସୁବାଷ ବୋଷ ସୁରେନ୍ଦ୍ର ସାଏ

            ଲଢ଼ିଛନ୍ତି ଯେ କେତେ ସମର ।

ମଧୁବାବୁ ଠାରୁ ଫକୀରମୋହନ

              କବି ଗଙ୍ଗାଧର ମେହେର

ରଖିଯାଇଛନ୍ତି ଆମର କୀର୍ତ୍ତି

               କରିବା ତାଙ୍କର ଆଦର ।