Library
Profile
ଆମ ଓଡ଼ିଶା
ଆମ ଓଡ଼ିଶା
ଉତ୍କୃଷ୍ଟ କଳାରେ ପରିପୂର୍ଣ୍ଣ ହେତୁ
ବୋଲାଇଲା ସେ ଉତ୍କଳ
ଅପରୂପ ତାର ସୈନ୍ଦର୍ଯ୍ୟ ସଂସ୍କୃତି
ଶାନ୍ତି ପ୍ରିୟ ରାଜ୍ୟ ଏହା ବିରଳ ।
ନିଳାଚଳ କ୍ଷେତ୍ର ଜଗନ୍ନାଥ ଧାମେ
ପତିତପାବନ ଉଡେ ଫରଫର
ପ୍ରାକୃତିକ ସୌନ୍ଦର୍ଯ୍ୟରେ ମୋ ରାଜ୍ୟ ଭରପୁର
ଚରଣ ସ୍ପର୍ଶ କରେ ବଙ୍ଗୋପସାଗର ।
ଉଚ୍ଚ ଉଚ୍ଚ ଗିରିଶୃଙ୍ଗ ଦଣ୍ଡାଇତ ବକ୍ଷରେ
ସବୁଜିମା କ୍ଷେତ ଲହଲହ ତା ହସରେ
ଉତ୍ତର ପଶ୍ଚିମାଞ୍ଚଳ ଭରପୂର ଖଣିଖାଦାନରେ
ଦିନରାତି ଯନ୍ତ୍ରପାତିର ଶଦ୍ଦଗୁଞ୍ଜେ କାନରେ ।
ପୂର୍ବାଞ୍ଚଳେ ଶୋଭେ ଚିଲିକା ଅଂଶୁପା ହ୍ରଦ
ମନୋରମ ରୂପ ପ୍ରାଣେ କରେ ଆନନ୍ଦିତ
ଚାନ୍ଦିପୁର ଠାରେ ଅବସ୍ଥିତ କ୍ଷେପଣାସ୍ତ୍ର କେନ୍ଦ୍ର
ଦେଶକୁ କରଇ ସଦା ସୁରକ୍ଷିତ ।
ସୂରୁଜ ଉଇଁଲେ ପ୍ରଥମେ ସ୍ପର୍ଶ କରେ କୋଣାର୍କ
&n
bsp; ପଥର କାରୁକାର୍ଯ୍ୟ ଯା ଦେହେ ଜୀବନ୍ତ
କଳିଙ୍ଗ ଯୁଦ୍ଧର କରୁଣ ପରିଣତି ଦେଖି
ଓଡ଼ିଶାରେ ଚଣ୍ଡାଶୋକ ପଡିଲେ ଶାନ୍ତ ।
ପାଇକ ନୃତ୍ୟରେ ପାଇକ ପୁଅର
ବୀରତ୍ବ ଗାଥା ଜାଣିଲା ଜଗତ
ଓଡିଶୀ,ଛଉ ସମ୍ବଲପୁରୀ ନୃତ୍ୟ
ଦେଖି ବିଶ୍ୱ ହେଲା ଆଚମ୍ବିତ ।
କାର୍ତ୍ତିକ ପୂର୍ଣ୍ଣିମା, ବୋଇତ ବନ୍ଦାଣ
କହେ ଓଡ଼ିଶା ବାଣିଜ୍ୟ ଗାଥା
ସୁଦୂର ବିଦେଶ, ସମୁଦ୍ର ଯାତ୍ରା
ବିଶ୍ୱକୁ ବଖାଣେ ଏ ରାଜ୍ୟ କଥା ।
ମଧୁ ବାରିଷ୍ଟର, ଗଙ୍ଗାଧର, ଫକୀର ଆଦି
ବରପୁତ୍ରଙ୍କର ଅଟେ ଅବଦାନ
ଓଡ଼ିଶା ରାଜ୍ୟର ସ୍ବତନ୍ତ୍ର ମାନ୍ୟତା
ଓଡ଼ିଆ ଭାଷାର ସ୍ବତନ୍ତ୍ର ମାନ ।
