ଆମ ମାତୃଭାଷା
ଆମ ମାତୃଭାଷା
1 min
256
ଆମ ମାତୃଭାଷା ଓଡିଆ ବଢିଆ
ସ୍ବତନ୍ତ୍ର ଭାଷା ଏ ଆମ ।
ବଢାଇବା ତା'ର ମାନ ସନମାନ
ଆମର ଏ ମୁଖ୍ୟ କାମ ।୧।
କେତେ ଦୁର୍ଦ୍ଦିନ ଦେଇ ଗତିକରି
ସ୍ବତନ୍ତ୍ର ମାନ୍ଯତା ପାଇ ।
ପ୍ରଗତି ପଥରେ ଚାଲିଛି ଆଗେଇ
ସଭିଙ୍କୁ ସରାଗ ଦେଇ ।୨।
ମାଆଟିଏ ପରି ମମତା ଦେଉଛି
ସ୍ବ ମାତୃଭାଷା ଆମର ।
ଆମରି ହାତରେ ତାହାର ସୁରକ୍ଷା
ଆମେ ତ ସଭିଏଁ ତା'ର ।୩।
ଅପସଂସ୍କୃତିର ଶିକାର ହୋଇଛି
ଆମ ମାତୃଭାଷା ଆଜି ।
ଆସ ଆମେ ତା'ର ସୁରକ୍ଷା କରିବା
ସୁରକ୍ଷା ବାହିନୀ ସାଜି । ୪।
ଯୁଗେ ଯୁଗେ ଆମ ମାତୃଭାଷାର
ହେଉଥିବ ଜୟଗାନ ।
ଗରବରେ ଆମେ କହିବା ଆମର
ମାତୃଭାଷା ମହୀୟାନ ।୫।
ଏକ ମନ ଏକ ପ୍ରାଣ ହୋଇ ଆସ
ଜାଗ୍ରତ କରି ବିବେକ ।
ଉତ୍କଳ ବାସୀଏ ରଖିବା ଆମର
ମାତୃଭାଷାର ଟେକ ।୬।