ଆମ ଭିତରେ କିଛି ଥିଲା
ଆମ ଭିତରେ କିଛି ଥିଲା
ସବୁବେଳେ ପାଖରେ ଥିବୁ
ହାତ ବଢାଇଲେ ଛୁଇଁ ପାରୁଥିବି
ପ୍ରତିଟି ମୁହୁର୍ତ ରେ ଅନୁଭବ କରି ପାରୁଥିବି
ମୋ ପ୍ରଶ୍ୱସରେ
ତୋର ଉଷୁମ ନିଶ୍ୱାସ
ଏମିତି କିଛି କଥା ଥିଲା
ତୋ ମୋ ଭିତରେ
ପ୍ରତି ସପ୍ତାହରେ ଥରେ
ବଜାରକୁ ନେବୁ ,
ଭଲ ଖୁଆଇବୁ
ରଙ୍ଗ ବେରଙ୍ଗୀ ଶାଢ଼ୀ ରେ
ମୋତେ ସଜେଇବୁ ,
ବରଷକୁ ଥରେ ତୀର୍ଥ କରି ନେବୁ
ମୋର ସବୁ ଅଧୁରା ସ୍ୱପ୍ନକୁ
ସଜାଇବୁ ତୋ' ସ୍ୱପ୍ନ ସାଥି ରେ
କିନ୍ତୁ
ସବୁ ରହିଗଲା ଅତୀତ ପୃଷ୍ଠାରେ
ତୋ' ମୋ ଭିତରେ ଥିଲା
ଗୋଟିଏ ସପ୍ତାହ ର ଦୂରତା
ଯାହା ଲାଗୁଥିଲା ବହୁତ କଷ୍ଟ
ହେଲେ ଅତିକ୍ରାନ୍ତ କରିବାକୁ ପଡୁଥିଲା
ଅପେକ୍ଷା ର ଅନ୍ତୁଡି ଶାଳରେ
ଅପେକ୍ଷା ର ରାତି ଶେଷ ହୋଇଗଲା
ତୋ' ଆୟୁଷ ସରିଗଲା
ଅକାଳ ରେ
ଘଟଣା ହେଉ ଅବା ଦୂର୍ଘଟଣାରେ
ସବୁ ଘଟିଗଲା ମୋ ଆଖି ସାମ୍ନାରେ
ବାକି ଆୟୁଷ କୁ ନେଇ
ମୁଁ ରହିଗଲି
ଆଉ ଆମ କଥା ରହିଗଲା
ନୀରବତା ହୋଇ
ମୋ ଓଠ ଫାଙ୍କରେ