ଲାଇବ୍ରେରୀ
ପ୍ରୋଫାଇଲ୍
ଆମ ଭବିଷ୍ୟତ
ଆମ ଭବିଷ୍ୟତ
1 min
97
ଖୁସିର ଦିନ କେବେ ଆସିବ
ଘରେ ରହି ଦିନ ଗଣୁଛୁ
ସୁରକ୍ଷାକୁ ଆମେ ସ୍ୱାଗତ କରି
ନିୟମ ଆମେ ପାଳୁଛୁ
ବନ୍ଦୀ ଜୀବନ କେତେଯେ କଷ୍ଟ
ଆମକୁ ଜଣା ପଡିଲା
କରୋନା ଯୋଗୁଁ ସାରା ପୃଥିବୀ
ହାହାକାର ହୋଇଗଲା
ପଶୁପକ୍ଷୀଙ୍କୁ ବନ୍ଦୀ କରି ଆମେ
ଆନନ୍ଦ ନେଉଥିଲୁ
ବନ୍ଦୀ ଜୀବନ ଯନ୍ତ୍ରଣା ପୂର୍ଣ୍ଣ
ଆମେ ଏବେ ବୁଝିଲୁ
ପ୍ରକୃତି ସହ ଖେଳ ଖେଳି ଆମେ
ପରିଣାମ ବୁଝିଗଲୁ
କରୋନା କବଳେ କବଳିତ ହୋଇ
ନିସ୍ଵ ହୋଇଗଲୁ
ଧୂଳି ଧୂଆଁର ପୃଥିବୀ ପୁଣି
ସବୁଜ ହୋଇଗଲା
ଧନୀ ଗରୀବ ସଭିଏଁ ଏକ
କରୋନା ବୁଝାଇ ଦେଲା
ବିଜ୍ଞାନ ଯୁଗର ମଣିଷ ହୋଇ
ଭୂତାଣୁ ଠାରୁ ହାରିଲୁ
ଯୋଦ୍ଧା ରୂପରେ ଭଗବାନଙ୍କୁ
ମର୍ତ୍ୟରେ ପାଇଲୁ
ଅଦୃଶ୍ୟ ଅବ୍ୟକ୍ତ ହେ ପରଂବ୍ରହ୍ମ
ଆତ୍ମସମର୍ପଣ କଲୁ
ତୁମ ହାତେ ନ୍ୟସ୍ତ ଆମ ଭବିଷ୍ୟତ
ଚରଣେ ଶରଣ ନେଲୁ l
