ଆଲେଖା ଚିଠି

ଅଲେଖା ଚିଠି କୁ ଭାବନା ରେ ଲେଖି

ମନ ରେ ରଖେ ସାଇତି

କେତେ କଥା କୁହେ ପ୍ରିୟତମା ପାଇଁ

ପ୍ରସ୍ତୁତ ହୁଅଇ ନିତି ।

ଅଭିନବ ଚିନ୍ତା ଚେତନା ପୁଲକେ

ଶ୍ରଦ୍ଧା ପ୍ରେମ ପ୍ରୀତି ପୂର୍ଣ୍ଣ

ଜୀବନ କାହାଣୀ ରୋମାଞ୍ଚ ଉଲ୍ଲାସ ,

ଉଦ୍ଦୀପନା ଓ ନୂତନ ।

ଭାବନା ମହକ ଖେଲାଏ ପୁଲକ ,

ସାନ୍ତ୍ଵନା ଲହରୀ ଧାର

ଅଲେଖା ଚିଠି ର ଅଟେ ଚମତ୍କାର

ଭାଷା ଭାବ ବର୍ଣ୍ଣନାର ।

ମନୋରମ୍ୟ ବିଭା ଗୀତରେ ସ୍ଵପ୍ରଭା

ପ୍ରକାଶିତ କରି ଥାଏ

ରହସ୍ୟ ରୋମାଞ୍ଚ ଅଲେଖା ଚିଠି ହିଁ

ଯୋଗାଇ ପରାଣ ମୋହେ ।

ମନ ରେ ଯେ କେତେ ଖୁସି ର ଉତ୍ସବ

ଅନୁଷ୍ଠିତ ହୁଏ ଚିର

ଅଲେଖା କଥାକୁ ଅଲେଖା ଚିଠି ରେ

ଲେଖି ପଢ଼େ ବହୁ ଥର ।