ଆଖିରେ ପ୍ରୀତିର ଚମକ

ବରଷା ପିନ୍ଧିଚି କଳା ମେଘ ପାଟ

ଆଖି ଇଶାରାରେ ପ୍ରୀତିର ଚମକ

ହୃଦୟ ନେଉଛି କିଣି

ଅଣାୟତ ହୋଇ 

ଏ ଖୋଲା ବୁକୁରେ 

ଅଜାଡି ଦେଉଛି ପାଣି

ବରଷା ରାଣୀ ।

ଛପି ଛପି ଆସୁ ମେଘ ପାଲିଙ୍କିରେ

ଲୁଚକାଳି ଖେଳୁ ବିଜୁଳୀ ସାଥୀରେ

କଳା ବଉଦର କବରୀର ଗୁଛ

ଛମ ଛମ ନାଚ ମୟୂରୀର ପୁଛ

ମନ ନେଉଛୁ ତୁ' କିଣି

ବରଷା ରାଣୀ ।

ଭିଜା ଭିଜା ଏଇ ମାଟିର ବାସ୍ନା

ମନ ତଳେ ଜାଗେ ପ୍ରୀତିର ତୃଷ୍ଣା

ତା ବିନେ ବିତିଛି ଉଜାଗରେ ରାତି

ସାଇତି ରଖିଛି କେତେ ଯୁଗସ୍ମୃତି

ଭାବି ମନ ହୁଏ ହାଣି

ବରଷା ରାଣୀ ।